Dhjetë ditë nga atentati me tritol C4 në qendër të Tiranës, ndaj Preng Gjinit, policia dhe prokuroria e Tiranës, thuajse kanë zbardhur të gjithë dinamikën e këtij krimi të rëndë dhe tre autorët, që kanë organizuar gjithçka. “Shqiptarja.com” mëson ekskluzivisht se tashmë njëri nga autorët është identifikuar dhe pritet që në ditët në vijim të ndërhyhet me qëllim arrestimin. Personi i identifikuar është pikërisht njëri nga djemtë e vëllait të, Kastriot Reçit, i cili mbeti i vrarë me snajper, në janar 2020 në qendër të Rrëshenit.
Duket se etja, për tu hakmarrë ndaj familjes Gjini, dhe më konkretisht ndaj ish-policit, Preng Gjini, ka çuar në futjen në veprim të djemve të rinj të familjes Reçi, ndërsa baballarët e tyre kanë qëndruar të qetë në banesat respektive në Rrëshën. Dhe kjo ka ndodhur 7 muaj nga vrasja makabre e Kastriot Reçit, dhe kjo familje ka kundërvepruar duke aktivizuar, djemtë e rinj të familjes. Por futja në veprim i djemve, është cilësuar si gafë nga ana e grupit të hetimit, pasi njëri nga djemtë është identifikuar plotësisht nga policia dhe prokuroria.
Ai është pikërisht njëri nga nipat e Kastriot Reçit, me inicialet A.Reçi, i cili është identifikuar plotësisht. A.Reçi, ka qenë pikërisht në vendin e ngjarjes, ku ka qëndruar në lokal shumë pranë urrës së Nisharakut, dhe prej andej mësohet se është personi që ka aktivizuar lëndën shpërthyese. A.Reçi, ka qëndruar në lokal dhe i është prezantuar kamerierit si shtetas Italian, duke komunikuar me të në italisht. A.Reçi, më pas ka paguar dhe gjatë këtij moment mësohet se e ka pyetur kamerierin se nga cila ana e qytetit binte rruga e Elbasanit.
Mandej A.Reci, ka dalë nga lokali. E gjithë kjo skenë është filmuar nga kamerat e sigurisë së lokalit, ku A.Reçi, shfaqet me pantallona treçereshke, me kapele, me flokë të gjata dhe në shpinë mbante, një çantë ngjyrë kafe. Teksa ka dalë nga lokali ai ka qëndruar disa minuta në këmbë në trotuar dhe menjëherë pas momentit të shpërthimit të fuqishëm A.Reçi, ka filluar të lëvizë dhe mandej të vrapojë, duke u larguar me shpejtësi. Një seri filmimesh të sekuestruara nga policia kriminale e Tiranës, tregojnë qartazi se njëri nga nipat e familjes Reçi, A.Reçi vrapon drejt rrugës “Gjergj Fishta” në drejtim të kryqëzimi “Vasil Shanto”.
Silueta e A.Reçit shfaqet deri në rrugën e Elbasanit, ku prej këndej ai është larguar në drejtimit të qytetit të Elbasanit dhe më pas shfaqet në pikën kufitare të “Qafë-Thanës”. Pikërisht nga kjo pikë kufitare A.Reçi ka dalë nga Shqipëria duke hyrë në Maqedoninë e Veriut. Edhe pse ka qenë në lupën e policisë, çuditërisht ai është lejuar të kalojë në Maqedoni. Me sa duket policia dhe prokuroria nuk kanë pasur indicet e forta në ato orë të para të hetimit, se personi që ka vrapuar menjëherë pas shpërthimit, ishte pikërisht djali i vëllait të Kastriot Reçit. Deri në atë fazë kur po hetonte policia dhe prokuroria, grupi nuk kishte dijeni se kishin të bënin pikërisht me njërin nga autorët dhe organizatorët e vendosjes së tritolit në makinë ndaj Preng Gjinit. Por pavarësisht se A.Reçi, ka dalë nga Shqipëria, dy apo tre ditë pas datës 15 shtator, çuditërisht ky person futet sërish në Shqipëri, duke përdorur sërish portën kufitare të “Qafë-Thanës”.
Sërish policia nuk e ka ndaluar dhe se aktualisht ai vijon të jetë i lirë, nën gjurmimin e rreptë të policisë kriminale. Për policinë dhe prokurorinë e Tiranës, nuk ka asnjë dyshim që personi që vrapoi menjëherë pas shpërthimit, është pikërisht A.Reçi, djali i vëllait të Kastriot Reçit. Identifikimi i tij është kryer nga kamerat e sigurisë dhe nga disa burime operative në qytetin e Rrëshenit. Kjo është ngjarja e parë, e zbardhur nga policia dhe prokuroria, mes 6 serive të atentateve me viktima Gjini dhe Reçi, që nuk janë zbardhur sot e kësaj dite. Për këtë fakt, duhet thënë se përgëzimet i takojnë policisë dhe prokurorisë së Tiranës. Pritet që në ditët në vijim policia të ndërhyjë dhe kryejë arrestime, lidhur me atentatin me gati 400 gramë tritol të vendosur në makinën tip “Benz” të Fatjon Dautaj, por që në pasditen e 15 shtatorit 2020, mjeti përdorej nga objektivi i këtij atentati, Preng Gjini. Sipas policisë, sasia prej gati 400 gramë eksploziv, ishte vendosur brenda në motor, dhe ka shumë gjasa që të jetë futur nga poshtë, duke e lidhur me tel bari ose ngjitës, në mënyrë që të mos rrëzohej. Shpërthimi është kryer me pult.
Dy kushërinjtë Dautaj dhe Gjini, janë mbajtur në vëzhgim për disa kohe nga të paktën tre persona dhe mandej kanë vepruar pasditen e 15 shtatorit 2020 në qendër të Tiranës. Policia një ditë pas ngjarjes ka kryer kontrolle të imtësishme në qytetin e Rrëshenit, ku në fokus kanë qenë banesat e vëllezërve Tonin Reçi, Paulin Reçi, Martin Reçi, Alfred Reçi dhe Gjovalin Reçi. Gjatë këtyre kontrolleve nuk është gjetur asnjë send i paligjshëm dhe të gjithë vëllezërit ishin në banesat respektive.
Vetëm në shtëpinë e Gjovalin Reçit, policia ka gjetur dhe sekuestruar një pajisje DVR dhe një dron. Të gjithë vëllezërit janë marrë në pyetje në Drejtorinë e Policisë së Tiranës, ku kanë dhënë shpjegime. Ata kanë deklaruar se nuk kanë konflikte me askënd dhe se kanë kërkuar që policia të zbardhë vrasjen e dy vëllezërve të tjerë Kastriot Reçi në Rrëshen dhe Gasper Rreçin në Itali. Të gjithë vëllezërit kanë deklaruar se nuk kanë hasmëri me asnjë person në Rrëshen. Ata kanë pohuar në polici se Preng Gjinin e njohin si banor të Rrëshenit dhe se në vitin 1997 ka qenë polic në këtë qytet. Për më tepër vëllezërit Reçi, kanë informuar policinë se Preng Gjini, ka qenë i akuzuar si person që ka vjedhur bankën në Rrëshen gjatë vitit 1997.
Ndërkohë në një raport operativ policor thuhet:”…këto konflikte janë si pasojë e prishjes së pazareve të drogës në shtetin italian mes Gasper Reçit dhe personit të plagosur në Tiranë, Preng Gjini. Sipas të dhënave Gasper Reçi, është vrarë në shtetin Italian në vitin 2017. Si pasojë e këtyre konflikteve në vazhdim të hakmarrjeve është vrarë në Rrëshen Anton Gjini në datën 12 gusht 2019, i cili është vëllai i Preng Gjinit. Situata e hakmarrjes ka vijuar me vrasjen e Kastriot Reçit në Rrëshen dhe mandej ka vijuar me atentatin me tritol në 15 shtator 2020 në Tiranë ndaj Preng Gjinit…”. Nga ngjarja e kësaj datë mbeti i plagosur Preng Gjini, italiani Simone Barbadoro dhe Ergys Sula. Ndërkohë fatmirësisht ka shpëtuar një zyrtar i Drejtorisë së Pastrit të Parave me inicialet H.Ç, i cili ndodhej pas makinës së Preng Gjinit.
Komente
Lajme të tjera
-
Në kërkim nga SPAK për atentatin me tritol ndaj Preng Gjinit, arrestohet në Dubai Elson Reçi
19 Gusht, 20:16 -
Kryepolici i Lezhës spiunonte Guardia di Finanza' tek trafikantët, Pëllumb Gjokës i dilte garant në biznes! Shefi i antitrafiqeve me parcelë droge
20 Maj, 18:11 -
Skeda/ Ekzekutimet me snajper, nga Xhabir Shega tek Kastriot Reçi e Gëzim Sinomati
8 Janar, 15:59 -
Speciale/ 28 vite ‘luftë’ mes fiseve në Rrëshen! Si nisi kalvari i ekzekutimeve prej vitit 1995
21 Tetor 2023, 08:59
-
Vrasja e 59-vjeçarit në Rrëshen, dyshohet për hakmarrje midis disa fiseve në Mirditë! Si nisi kalvari i ekzekutimeve në vitin 2016
26 Shtator 2023, 15:36
-
Vrasje për hakmarrje në Rrëshen, ekzekutohet 59 vjeçari që kishte dalë nga burgu! Në mars u arrestua për atentat ndaj nipit të Kastriot Reçit! Tre plagosen
26 Shtator 2023, 10:52 -
Atentati ndaj Preng Gjinit pa autor, dosja kthehet në polici! 3 vite nga ngjarja, asnjë i dyshuar
23 Prill 2023, 12:24
-
Vrasja e Kastriot Reçit, del përgjigja e ADN-së: Ish oficeri i RENEA-s Remal Rada nuk ka lidhje me ekzekutimin me snajper
9 Gusht 2022, 20:25 -
U kapën me armë, iu merret ADN-ja ish-efektivit të RENEA-s, Remal Radës dhe Elton Hithit! Dyshohet se kanë informacion për vrasjen e Kastriot Reçit në janar 2020
1 Gusht 2022, 13:14
-
Sot u zbardh një prej tyre/ 6 vrasje për 4 vite, nga eliminimi i drejtorit të OST-së në 2016 deri tek ekzekutimi i Anton Kelit! Kronologjia e krimeve mes dy fiseve në Rrëshen
26 Korrik 2022, 11:30 -
1 vit nga vrasja e Kastriot Reçit/ RENEA dhe FNSH zbarkojnë në Rrëshen, plan masash sigurie! Historia e ekzekutimeve seriale mes 2 fiseve (VIDEO)
7 Janar 2021, 10:52 -
SPECIALE/ ‘57 ngjarje të ndryshme kriminale që u pasuan me 65 viktima’/ 2020-ta, nga ekzekutimet tek dorëheqja e Lleshajt (VIDEO)
31 Dhjetor 2020, 18:03
Malsoret e veriut ,trima dhe punetor ,te bases dhe burreror bashk me ata edhe trimat e jugut ,sy patrembur edhe patriot kane sjell ne Shqiperine e Mesme te gjitha kto karakteristika dhe prej atyre shoqeria shqiptare po lulezon,mjafton te shikosh udheheqjen,artistat,rrepistat,bosat me emrat e qyteteve te lashta ilire neper targat e makinave,rraca e paster pellazge mjekrroshe zeshkane si pakistanezet qe rregullojn telefona,me mastup,shisha,krenar per gjysherit e atyre qe kan luftu armiku nga maja e malit,universiteti I par esht hapur ne Has,aristokracia tepelenase apo topojanet qe I kan sjell demokracin gjith botes ,faleminderit o at qe i solle ne Tiran,Durres dhe Elbasan,faleminderit se pa kto do na kishte marr lumi.
PërgjigjuPrite tipike mirditore.Injoranta sa nuk bahet ma.Do ishte mire te ndalohen te hyjne neper qytete kto lloj kafshesh e me to bashke edhe familja e tyre
Përgjigju