POP 5

Lajmet më të lexuara të 5 minutave të fundit

Ekonomi

Ekskluzive/ Nuk ka import mbetjesh, Qeveria heq dorë nga drafti fillestar! Projektligji i ri së shpejti në Kuvend

Shqipëria nuk do të lejojë importin e asnjë mbetje e rrezikshme ose jo. Ndryshe nga sa ishte parashikuar në një draft të hedhur për konsultim publik për menaxhimin e mbetjeve, është vendosur që të mos lejohet importi i mbetjeve edhe pse mund të jenë pjesë e listës së gjelbër të BE.

Edhe një herë ‘jo’ importit të mbetjeve në Shqipëri. Qeveria është tërhequr nga projektligji i parë i Menaxhimit të Integruar të Mbetjeve, i cili mbeti vetëm në fazën e Konsultimit Publik. Gjatë diskutimeve neni 73 i projektligjit ku ishte parashikuar lejimi i importit të mbetjeve nga jashtë që janë pjesë e listës së Gjelbër të BE, është rrëzuar.

Në draftin e ri që pritet të depozitohet këtë muaj në Kuvend, në nenin 72 të tij thuhet se, “Ndalohet në të gjitha rastet importi i mbetjeve të rrezikshme dhe jo të rrezikshme në Republikën e Shqipërisë. Ndalohet në të gjitha rastet kalimi tranzit ndërkufitar i mbetjeve të rrezikshme në Republikën e Shqipërisë”. Ndërsa në draftin fillestar ishte parashikuar lejimi i importit të disa kategorive të caktuara mbetjesh jo të rrezikshme, të cilat do të përdoreshin kryesisht si lëndë djegëse nga industria.

Kategoritë e mbetjeve që janë pjesë Listës se Gjelbër të BE, që nuk konsiderohen të rrezikshme, janë mbetje kartoni, letre, alumini, hekuri, mbetjet plastike, mbetje plumbi, mbetje zinku, mbetje industriale apo mbetje mjekësore. Lejimi i importit ka qenë kërkesë e industrisë prodhuese, pasi bëhet i mundur zëvendësimi i lëndëve që përdorin aktualisht si koksi i naftës dhe zhavorret bituminoze, me lëndë djegëse të përbëra nga mbetjet që në vend do të vijnë si produkt i kompostuar.

Projektligji është hartuar nga Ministria e Turizmit dhe Mjedisit, por edhe kundërshtuar menjëherë pasi u hodh në konsultim publik nga ambientalistët. Aleanca Kundër Importit të Mbetjeve paralajmëron protesta nëse qeveria miraton projektligjin që i hap rrugën ardhjes së mbetjeve në Shqipëri. Sipas tyre lejimi i importit do të kishte pasoja fatale për vendin, pasi kemi probleme të mëdha në menaxhimin e mbetjeve.

Përveç importit të mbetjeve në këtë projektligj ka rregulla të reja për menaxhimin e mbetjeve, ku  synohet që të përhapet riciklimi i mbetjeve, ndërkohë që aktualisht trajtimi i integruar i mbetjeve ka qenë i fokusuar drejt incenerimit (djegies) me qëllim që të prodhohet energji.

Një nismë e tillë është diskutuar edhe në vitin 2016, ku aso kohe deputeti i PS-së Eduard Shalsi, pati propozuar që të lejohet importi i mbetjeve, që bëjnë pjesë në ‘Listën e Gjelbër’, por që nuk u miratua. Importi i mbetjeve ka qenë i lejuar deri në vitin 2013, por që u ndalua menjëherë pas ardhjes në pushtet të socialistëve.

Neni 72 në draftin e ri ligjor, të siguruar nga Report Tv

Faqja e para e projektligjit të ri, të siguruar për Report Tv

K.T./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 08/02/2025 03:42

    Lavdi Zotit! Asnje lloj mbetje /e gjelber/ose jo as duhet te sillet,as te kaloje tranzit tek ne!

    Përgjigju
  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?

Lajme të tjera



×

Lajmi i fundit

Zjarri në Tragjas të Vlorës, ministri Vengu ndjek nga afër situatën: Flakët e qëllimshme, u ndërhy në kohë

Zjarri në Tragjas të Vlorës, ministri Vengu ndjek nga afër situatën: Flakët e qëllimshme, u ndërhy në kohë

15 Mars, 23:28