POP 5

Lajmet më të lexuara të 5 minutave të fundit

Politikë

Lajme nga emisionet

Ekskluzive/ Për herë të parë relatori i KAS-it flet në 'Kontrast', Koli Bele: Ja pse vendosëm regjistrimin e PD

Anëtari i KAS Koli Bele, i cili ishte realatori që shqyrtoi ankimin e Partisë Demokratike në KAS, pasi kryekomisioneri i KQZ-së Ilirjan Celibashi vendosi që të mos pranojë kërkesën e PD-së së Enkelejd Alibeajt për ta regjistruar në zgjedhjet e 14 majit, i ftuar në emisionin ‘Kontrast’ në Report Tv u shpreh se kryekomisioneri ka mbajtur një pozicion strikt

Anëtari i KAS Koli Bele, i cili ishte realatori që shqyrtoi ankimin e Partisë Demokratike në KAS, pasi kryekomisioneri i KQZ-së Ilirjan Celibashi vendosi që të mos pranojë kërkesën e PD-së së Enkelejd Alibeajt për ta regjistruar në zgjedhjet e 14 majit, i ftuar në emisionin ‘Kontrast’ në Report Tv u shpreh se kryekomisioneri ka mbajtur një pozicion strikt.

Ndërkohë sa i takon vendimit të KAS për të regjistruar PD-në, Bele u shpreh se është menduar se duhet lexuar në frymën e ligjit dhe se është detyrim kushtetues që të regjistrosh një subjekt politik

‘Duhet të kemi parasysh natyrën e KAS është një organ që nuk jemi gjykatë, por një organ vendimmarrje. Duhet interpretohet në mënyra të ndryshme Komisioneri ka mbajtur një qëndrim strikt duke interpretuar se për sa kohë në regjistrin e partive figuron emri i Lulzim Bashës duhet të jetë ai dhe vetëm ai që duhet të nënshkruajë në emër dhe për llogari të partisë. Biem dakord që PD prej shumë vitesh është një subjekt politik i regjistruar sipas ligjit dhe që figuron si e tillë. Ka një debat të brendshëm për lidershipin e kësaj partie i cili zhvillohet jashtë KQZ-së dhe ajo që konstaton është se ky subjekt politik ka shprehur vullnetin për të marrë pjesë në zgjedhje dhe në interpretimin tonë nuk i takon KQZ-së të përcaktojë se kush do të jetë individi që përfaqëson partinë. Pra është kryetari i shënuar në regjistër, por tashmë i dorëhequr, po është dhe dikush tjetër në cilësinë e nënkryetarit si person i komanduar. Dikush mund ta mirëkuptoj mbajtjen e një pozicionimi strikt të kryekomisonerit që i është përmbajtur çdo gërme. KAS ke menduar se duhet lexuar edhe përtej gërmës, duhet lexuar në frymën e ligjit. Është detyrim kushtetuese të regjistrosh një subjekt.  Ligji po të ishte i lexueshëm nga palët mos të kishte shkallë ankimuese. E drejta që KAS  referohet është e drejta që buron nga ligji formal dhe nga aktet nënligjore në fuqi.’- tha Bele.

Partia Demokratike do të jetë zyrtarisht pjesë e garës elektorale me kryetar Enkelejd Alibeajn. Komisioni i Ankimimeve dhe Sanksioneve vendosi regjistrimin e PD në zgjedhje duke rrëzuar Ilirjan Celibashin dhe duke pranuar deklaratën solemne me firmë të Alibeajt. Ashtu si KQZ, edhe KAS rrëzoi Berishën duke mos e legjitimuar për të regjistruar partinë e demokratëve.

Kujtojmë se Celibashi vendosi që PD të mos futej në zgjedhje pasi nuk kishte plotësuar dokumentacionin e nevojshëm. Celibashi e vlerësoi kusht të panegociueshëm për të regjistruar PD-në në zgjedhje, deklaratën solemne të angazhimit me firmë të Lulzim Bashës, pasi edhe pse ka dhënë dorëheqjen në mars të 2022, është ai figuron në Gjykatën e Tiranës ende si kryetar.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu