Ekskluzive/ Sipërmarrja në Shqipëri kërkon 35 mijë punonjës! Fasoneria, turizmi e ndërtimi në ‘alert’! Gati 6 mijë të huaj u punësuan këtë vit

TIRANE- Bumi turistik i këtij sezoni në Shqipëri, me shifra të panjohura më parë, nxori edhe më shumë në pah mungesën e punëtorëve në sektorin e turizmit. Sipas shifrave zyrtare që Report Tv ka siguruar nga Agjencia Kombëtare e Punësimit dhe Aftësive, biznesi i Akomodimit dhe Shërbimit ushqimor shpalli mbi 5500 vende të lira pune përgjatë shtatë muajve (16% e totalit të vendeve të shpallura të lira), nga janari deri në korrik të këtij viti (2023).

JANAR-KORRIK 2023, FASONERIA 12.600 VENDE TË LIRA PUNE

Por thuajse të gjithë sektorët e ekonomisë, ndjenë kriza e punonjësve, që këtë vit, është thelluar edhe më shumë. Nëse në 2022-shin kishte nevoja për 17 mijë e 500 punonjës, këtë vit sipërmarrjet në vend, sipas Agjencisë së Punësimit, po kërkojnë afro 35 mijë punonjës, pra 50% më shumë nevoja për staf.

LEXO EDHE:
Kontributi parësor i turizmit nga jashtë: Vjet 4.1 miliardë euro në 21 miliardë gjithsej të PBB-së. Sivjet, ndoshta 50% më i lartë

Rekordin për mungesa të punëtorëve gjatë 7 mujorit të 2023, e mban sektori i industrisë përpunuese, ku bën pjesë biznesi fason, i cili ka shpallur rreth 12.600 vende të lira pune (36% e totalit). Pjesa tjetër e vendeve bosh nëpër biznese i përkasin sektorit të tregtisë me rreth 4500 mungesa (13% e totalit), ndjekur nga ndërtimi dhe fushat e tjera të ekonomisë.

Në kushtet e mungesës së punonjësve brenda në Shqipëri, shumë biznese i janë drejtuar tregut të huaj. Janë mbi 9 mijë aplikime që kanë bërë shtetasit e huaj në Shqipëri për leje pune nga janari deri më tani, nga të cilat Agjencia ka pranuar 5,799 aplikime. Këta shtetas vinin kryesisht nga Turqia, Bangladeshi, India, Nepali dhe Italia.

Shumica e këtyre punonjësve të huaj janë përqendruar pikërisht në sektorët që kanë më shumë vakanca. Referuar shifrave 23% prej tyre janë punësuar në industrinë përpunuese, 14% punojnë në fushën e turizmit dhe pjesa tjetër janë në ndërtim dhe aktivitete të tjera ekonomike.

Ndërkohë ekspertët e tregut të punës por edhe qeveria thonë se duhet të rritet niveli i pagave që bizneset të mos vuajnë për punonjës.

TAG:
• fasoneri
• turizmi
• punesim
• ndertim

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.2%

• Keq

  62.4%

• Nuk e di

  13.4%

Vota total: 2866

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di