Jeta e këngëtares shqiptare Parasheqvi Simaku është rrëfyer për Report Tv nga dy kushërinjtë e saj në Durrës. Vajza dhe djali i tezes së saj tregojnë momentet e para të këngëtares, e cila kishte mbërritur në SHBA në vitet ’90. Një video e publikuar në rrjet teksa ajo merrte ndihma, trazoi shqiptarët, por mbi të gjitha familjarët e saj që kanë prej më shumë se 1 dekade që nuk kanë asnjë kontakt me të.
Vajza e tezes, Rajmonda Xhafa thotë se në vitet e para të jetesës në Amerikë Parashqevia ishte e lumtur. Ajo u njoh me Robertin i cili më pas u bë bashkëshorti i saj.
Për herë të fundit, takimin me Simakun, vajza e tezes tregon se e kanë pasur në vitin 1997 kur këngëtarja erdhi në Shqipëri dhe prej asaj kohe iku për të mos u kthyer më. Pas kësaj periudhe, Simaku është përballur me sfida të shumta, që kulmuan me divorcin nga bashkëshorti rreth vitit 2006, i cili i mori edhe kujdestarinë e djalit, Lukës, i cili sot është 22 vjeç.
“E vërteta, erdhi këtu para ‘97 se do jepte koncert me të shoqin. Ai arriti rrëmujën dhe i thonte tezes sime, brenda se na vijnë huliganët. E thonë shqip huliganët. Kur ishte ’97. I pret e ëma biletën që të nisën urgjentisht se në Shqipëri po bëhet rrëmujë. Për tre ditë do niseni i thotë. Bënë dasmën në Amerikë, na e ka treguar videon tezja. Lindi fëmijën, Lukën. Shkoi tezja një vit dhe nuk ia panë pasaportën që duhet ta shkelte çdo 6 muaj dhe mori ekspuls. Nuk shkeli më në Amerikë, gjithë jetën lot ka derdh se nuk e pa më atë fëmijë. Shkoi dhe vëllai ndejti një vit.
Diku filluan debatet, bëri disa disqe në anglisht. Nuk u eci, u divorcuan. Ia mori djalin. Ne mësuam me të dhëna, kemi vite që nuk komunikojmë me të. U bë shumë vite. Nuk na lejonte tezja. Se daja thonim ta kërkojmë tek Aida Shtino. Jo thonte e ëma, mos mi nxirrni namin gocës. Të gjithë janë lodhur për ta kërkuar, nusja vëllait, goca e vëllait që ka në Francë. Ai përgjigjej ashpër, hajdeni merreni se nuk e dua më, kam marrë tjetër. Se një ditë do ta gjeni në koshat e plehrave thonte ai. Ne u mërzitëm shumë. Ajo u nis edhe njëherë, e kaloi Francën, por e kthyen. Kam kontaktuar njëherë edhe me një gazetar, me dha një adresë në Manhattan. E kemi kërkuar, por nuk e gjetëm", tregon ajo për Report Tv.
Rajmonda Xhafa thotë se familjarët kanë bërë përpjekje të shumta për ta gjetur, por gjithçka ka rezultuar e pasuksesshme. Sipas tyre, këngëtarja nuk ka kontakte as me djalin dhe as me pjesën tjetër të familjes.
Por, fati e deshi që bashkëjetesa e këngëtares me bashkëshortin e saj të mos shkonte si duhej. Aty nisën edhe problemet e para për të. Pas divorcit u shtuan edhe më shumë me humbjen e kujdestarisë për të birin.
Kjo ishte goditja më e fortë për këngëtaren shqiptare që e rëndoi atë edhe psikologjikisht. Rajmonda tregon se në atë periudhë Parashqevia shkëputi lidhjet me familjarët dhe të afërmit në Durrës. Vështirësitë për të shtohen edhe më shumë kur ish bashkëshorti, Roberti hoqi dorë edhe nga detyrimet financiare ndaj saj.
“Na thanë që kaloi në depresion prej djalit. Ishte shumë e lidhur me djalin, e paguajti me kokën e vet. Ka qenë kënaqësia e këtij populli. Ka qëndruar në shtëpinë time në Durrës. Aman më thonë, ti të flesh në tokë unë ne krevat. Të keqen i thoja vetëm të kesh sukses. Është njeri shumë i mirë, por fatkeqësia të çon në këtë gradë. Çuni është sot 22 vjeç, ajo mbase nuk kontakton fare me djalin. Thonë që kaloi paralizë parciale, ajo ka dhimbjen e djalit. I thonte gocës së vëllait të vet, Roberto: Hajde se s’kam lek t’i paguaj qiranë se jam martuar kam marrë grua tjetër. Nuk e di pse e braktisi, të paktën të ishte brenda në shtëpi. Çfarë mund të bëjë një nënë kur nuk e ka fëmijën në duar. Ajo është për të qenë, ne i njohim zërin, mimikën, fytyrën. Ju lutem ndihmojeni të bashkohet me fëmijën e vet. Nëna e saj ka vdekur, s’ka pasur kontakt. Ajo s’ka fol fare me të ëmën, ka vdekur me shpirtin plagë prej vajzës. I ati ka vdekur herët, është operuar në Amerikë, e pati atje. Fliste ndonjëherë me nusen e vëllai të vet, i ka treguar që mësueset e kanë përzënë nga shkolla. I kanë thënë po erdhe njëherë dënohesh me tre muaj burg nëse i afrohesh djalit. Në fillim ka pas kaluar mirë bashkë me burrin. Ne nuk e kemi parë më fare që në ’97. Fliste me nusen e vëllait ndonjëherë shumë rrallë. I lutem shtetit shumë, meqë ajo ka kontribuuar, ka qenë këngëtare e mirë. Të bëjnë diçka, ta bashkojnë me djalin e vet. Ajo nuk vjen në Shqipëri po nuk pati djalin te sytë. E shkatërroi veten e vet për atë djalë. Ne nuk kemi asnjë të dhënë që ka kontaktuar me djalin. Ju lutem shumë kushdo që ka mundësi, ta ndihmojnë, ta shërojnë. Kemi ngelur të surprizuar që foli shqip”, thotë ajo për Report Tv.
Edhe djali i tezes Robert Bazhuri i kujton me nostalgji ditët kur këngëtarja kishte ardhur për koncert në Shqipëri. Të afërmit e këmgëtares tregojnë se shpesh kanë tentuar të kontaktojnë me të qoftë edhe përmes rrjeteve sociale por nuk kanë mundur. Madje Roberti tregon se shkoi edhe në SHBA për ta gjetur.
“E shikoja që 1 orë ose gjysme ore më përpara ajo e kishte përdorur mesenger. I bija e kurrë nuk ma hapte. E kam takuar për herë të fundit më duket në vitin 1999 kur kishte ardhur për koncert. Flinte te shtëpia e vëllait tim. Unë isha në Amerikë te vajza në Florida 2 vjet më parë thotë ai. Bëra çmos thotë për ta kontaktuar por ishte e pamundur. Shqiptarët atje nuk kishin asnjë kontakt me të”, tregon ai.
Të surprizuar nga deklaratat në shqip të Parasheqvisë kushërinjtë e saj apelojnë për ndihmë me qëllim bashkimin me të birin që sot është 22 vjecar.
Komente
Lajme të tjera
-
U prek nga meningjiti akut, humb jetën 17-vjeçarja nga Durrësi! Familjarët dhe mjekët që e asistuan udhëzohen të vaksinohen
15 Dhjetor, 16:43 -
I dërguari i OKB-së në Siri thirrje për heqjen e sanksioneve nga BE dhe SHBA
15 Dhjetor, 16:22 -
14 vite nga liberalizimi i vizave me BE, Basha: Misioni i radhës është heqja e vizave me aleatin strategjik SHBA-të
15 Dhjetor, 14:15 -
Artan Fuga: Zonja që jeton me ndihma dhe spektakli ynë mizor
15 Dhjetor, 13:56
-
Nën 14 vjeç, pa rrjete sociale, Florida ndalon të miturit të kenë llogari, gjoba për platformat në rast shkelje
15 Dhjetor, 12:22 -
Spahiu: Parashqivi Simaku u largua në depresion që të mos shikonte surratin dhe të mos dëgjonte gjuhën e disave
15 Dhjetor, 12:11 -
Kreshnik Spahiu: Kush janë të sëmurë psikik, Parashqevia apo ata që filmojnë depresionin e saj?
15 Dhjetor, 10:50
-
Trump dhe fundi i multilateralizmit në tregtinë botërore
15 Dhjetor, 10:36 -
Gëzim Kabashi: Me klerikët miq të Durrësit, një shekull më parë
15 Dhjetor, 09:40
-
Trump fiton padinë për shpifje ndaj medias amerikane, rrjeti mediatik do i paguajë 15 milionë dollarë
15 Dhjetor, 08:29 -
Nis 'gjuetia' e videove ndaj Parashqevi Simakut, e filmojnë sërish në SHBA! Shqiptarja: Vër këtë buzëkuq Dior, ta kam falur
15 Dhjetor, 08:15 -
SHBA/ Trump zgjedh Richard Grenell si të dërguar për misione të posaçme ndërkombëtare
15 Dhjetor, 07:23
Uroj nga zemra qe nje dite ta shohim prape ne skene...te veshe me krenari te takosh djalin tend qe ta kane mohuar prej kohesh...forca Paraskevi mos u dorezo...merr shembull Celin Dion qe u ngrit prape ne skene nga nje semundje shume me e rende se ajo qe po kalon ti...nga zemra te uroj qe ky vit te jete viti i bukur per ty e plot surpriza te kendeshme..
PërgjigjuUrojme me gjithe zemer qe Paraskevia te marri veten dhe te kethehet ne vendin e saje ...besoj qe dekomenta ka...Le te veje dhe ta takoje djalin si nje zonje dhe sa here te deshiroje...Ne e duam dhe do e rrespektojme sido qe te vendosi por duam ta shikojme gjithmone me koken larte se e meriton...!
PërgjigjuParashqevi e dashur gjithe kjo rremuje qe po behet per ty dalte per mire o zot dhe te gjesh paqen e qetsin miresin e dashurin qe shume prej nesh e kane per ty ashtu sic e ka dhe shpirti yt fisnik. Uroj me shpirt te kthehesh aty ku te do zemra ty .Te duam shume!
Përgjigju