Ekskluzive/‘Makthi’ Theo Jacobs ‘fshikullon’ Ilir Metën dhe KLD-në: Cenuan besimin e publikut tek drejtësia, leja 2-vjeçare për Gjin Gjonin ishte e paligjshme

Theo Jacobs, përfaqësuesi më i famshëm në Shqipëri i Operacionit Ndërkombëtar të Monitorimit që mbikëqyr procesin e Vetingut në drejtësi, ka hetuar vendimmarrjen e Këshillit të Lartë të Drejtësisë, për dhënien e një leje prindërore dyvjeçare ish-gjyqtarit të Apelit dhe anëtarit të KLD, Gjin Gjoni, i cili dha dorëheqjen nga drejtësia në korrik të këtij vitit, para se të përballej me Komisionin e Vetingut. KLD e miratoi lejen dyvjeçare për Gjin Gjonin në 11 tetor 2018, vetëm disa javë para se të shkrihej si institucioni i qeverisjes së gjyqësorit, për t’u zëvendësuar me Këshillin e Lartë Gjyqësor.

Po cilat janë gjetjet e Theo Jacobs? Vëzhguesi ndërkombëtar, pas hetimit, ka dalë me 7 konstatime kryesore. Sipas tij, leja prindërore për Gjin Gjonin është dhënë bazuar në një nen që nuk kishte hyrë në fuqi, gjyqtarit nuk i takonte ky përfitim, nuk justifikohet mbledhja me urgjencë e KLD për këtë çështje, kërkesa e Gjin Gjonit nuk ishte parashikuar në rendin e ditës së KLD, kërkesa për leje prindërore është futur gjatë mbledhje në rendin e ditës në kundërshtim flagrant me ligjin si dhe është shmangur kryetari i Gjykatës së Apelit, i cili sipas ligjit duhet të japë miratimin për lejen.

Sipas Theo Jacobs, anëtarët e KLD, me këtë vendimmarrje, kanë cenuar rëndë besimin e publikut tek drejtësia. Gjetjet e Theo Jacobs për këtë çështje janë një mesazh edhe për Ilir Metën, i cili ka drejtuar KLD deri në fund të vitit 2018. Sipas ligjit për KLD, Meta ishte përgjegjës për thirrje dhe drejtimin e mbledhjes së KLD, si dhe kujdesej për zbatimin e ligjit gjatë zhvillimit të mbledhjeve dhe për marrjen e vendimeve.

Theo Jacobs, makthi më i madh i gjyqtarëve dhe prokurorëve në Shqipëri, është investuar për të hetuar procedurën e lejes prindërore të Gjin Gjonit, në kuadër të procesit të Vetingut të gjyqtarit Ridvan Hado, ish-anëtar i KLD. Hado është konfirmuar në detyrë nga Komisioni i Vetingut. Ndërkaq, rezultatet e hetimit nga Theo Jacobs për shkeljet e KLD, përfshirë edhe të ish-anëtarit Hado, për lejen prindërore të Gjin Gjonit, i janë referuar Inspektoratit të Lartë të Drejtësisë nga Komisioni i Vetingut për inspektim. ILD-ja me në krye Artur Metanin do të vendosë nëse ndaj Hados do të nisë apo jo procedim disiplinor, për shkak se ka votuar pro dhënies së lejet prindërore Gjin Gjonit, vendim i cili shkarkoi reagime të nivelit ndërkombëtar.

Gjetjet nga hetimi i Theo Jacobs për lejen prindërore të Gjin Gjonit

1. Leja prindërore mund të jepej vetëm pas datës 1.1.2019, pasi zbatimi i ligjit nr. 96/2016 për statusin e gjyqtarëve dhe prokurorëve, neni 24, ka qenë i ‘ngrirë’ në kohën kur KLD ka miratuar lejen, konkretisht në datën 11.10.2018.

2. KLD nuk mund të mblidhej për t’u dhënë magjistratëve përfitimet e parashikuara në nenin 24 të ligjit nr. 96/2016, pasi përfitimet do të hynin në fuqi pas datës 1 janar 2019.

3. Nuk është i qartë justifikimi i urgjencës së thirrjes së mbledhjes së KLD-së brenda 24 orëve për të shqyrtuar dhe miratuar kërkesën e Gjin Gjonit për leje prindërore dyvjeçare.

4. Kërkesa e Gjin Gjonit nuk ishte përfshirë në rendin fillestar të mbledhjes së KLD-SË SË DATËS 11.10.2018, por u shtua më vonë në shkelje flagrante të ligjit.

5. Për të shtuar një çështje jashtë rendit të ditës duhet të votojnë 2/3 anëtarëve. Nuk ka procesverbal dhe asnjë shkresë që të KLD të ketë votuar për të futur në rendin e ditës kërkesën e Gjin Gjonit.

6. Ligji parashikon që leja e veçantë në këtë rast miratohet nga kryetari i gjykatës dhe më pas Këshilli voton pasi të jetë marrë mendimi i gjykatës, procedurë e cila nuk është ndjekur në këtë rast.

7. Nuk ka asnjë provë të besueshme që gjyqtari të ketë marrë më parë mendimin e kryetarit të gjykatës para se ta parashtronte kërkesën e tij në KLD. Edhe KLD nuk e ka kërkuar një gjë të tillë.

I.K./r.k./Shqiptarja.com
  • Sondazhi i ditës:

    A mendoni se hapja e listave do të sjellë deputetë më cilësore në Kuvend?

Komento

Komente

  • Lalka i Radanecit: 14/09/2020 18:57

    Bravo Shqiptarja media me e pavarur, per gjetjet e ketij belgut e mbushet editorialin, ndersa per Artur Gaxhin e Alaudin Malajn Gjyqtaret me te pasur nga karrigja e gjyqtarrlekut e supermiliardere as dy rreshta nuk shkruat. Bravo jeni me te miret

    Përgjigju
  • Pajtimi: 14/09/2020 18:43

    Bravo theo you are the great man,,,albania need judges and prosecuters like you,,don't leave albanian judicial system with garbages like gjin gjoni and company abd send them where they supposed to be in jail....and after you finish your job in OMN,,YOU CAN STAY IN ALBANIA FOR ASSISTANCE FOR 10 MORE YEARS NEAR THE JUSTICE MINISTER OFFICE.....

    Përgjigju
  • Ilir: 14/09/2020 18:14

    Bravo Theo! Sa shume gjera fshihen pas Gjin Gjonit....sa fije te nderthurura e te lidhura, kurajo, zbuloni sa me shume!

    Përgjigju


×

Lajmi i fundit

John

Rama i prish skenarin Metës, ministrja Kushi shkon tek Denisa e vogël që përloti Presidentin, i çon mjetet shkollore