Ekspedita detare, shkencore dhe kulturore ‘Mesdheu’, pas 6 vite lundrimi dhe studimi në gjithë Detin Mesdhe, Detin e Zi, Veriun e Detit të Kuq dhe brigjet e Atlantikut që lagin Portugalinë, Spanjën dhe Marokun, e ngarkuar me njohuri dhe përfundime të sakta shkencore në lidhje me ndotjen e deteve të Mesdheut, do t’i jap fund udhëtimit prej 17,000 miljesh në 12 tetor në Genova të Italisë.
Të dhënat e grumbulluara nga ekspedita tregojnë se 50% e bregdetit të Mesdheut rrezikon të çimentohet deri në vitin 2025 dhe se nga 400 milion ton plastikë që prodhohet çdo vit në botë, 130 ton përfundon në detet Adriatik, Jon dhe Tirren. Por duke patur parasysh se prodhimi i plastikës në botë rritet çdo vit me nëntë përqind, e ardhmja e këtyre deteve duket e errët.
Ekspertët vlerësojnë se në botë krijohen rreth 8 milion ton mbetje në vit, 10 % e të cilave përfundon në det.
Nga raporti mjedisor i ekspeditës, del se në plazhet e Mesdheut, mbi 80% e mbeturinave janë plastikë, 10 % bishta cigaresh dhe 5 % pambuk.
Steven Loiselle, Koordinator e projektit ‘Mesdheu’, thotë se kemi ende shumë për të zbuluar. Jemi vetëm në fillim. Tani për tani po përcaktojmë sasinë e fenomenit. Ne nuk e dimë se ku përfundojnë shumica e mikroplastikës dhe nuk e dimë se cilat janë efektet në jetën e faunës. Ne dimë disa gjëra, por ende nuk kemi një pasqyrë të përgjithshme të proceseve biologjike dhe kimike që ndodhin në ujërat e Mesdheut."
Ëndrra e shumë njerëzve, ajo e të jetuarit në breg të detit, së shpejti mund të shndërrohet në një makth.
Para pak ditësh, në Raportin e Panelit Ndërqeveritar të OKB për Ndryshimin e Klimës, i cxili bazohej në 6000 referenca shkencore, 91 autorë dhe recensues nga 40 vende të botës, dhe në një literaturë të ngurtë shkencore, thuhej se Toka po paguan një çmim shumë të lartë si pasojë e politikave jo miqësore ekologjike, me ambiente të brishta detare që duhet të përballen me një seri kërcënimesh si pasojë e ndryshimit të klimës.
Sipas një skenari katastrofik, jo aq të mundshëm të OKB, faktorët e rrezikut për shëndetin e planetit janë të ndryshëm. Veç ndotjes dhe rritjes së nivelit të detit, ka indicie që temperaturat mund të rriten midis 3.2 dhe 5.4 gradë Celsius. Kjo do të çonte në acidifikimin e ujrave të deteve, uljen e sasive të oksigjenit dhe biodiversitetit.
Sasitë e mëdha plastikës dhe mikroplastikës, të shoqëruara me një tendencë në ulje të biokompleksitetit dhe numrit të specieve detare, do çojnë deri në ndryshimin e vetë idesë së mjedisit natyror.
Lajme të tjera
-
Lufta/ 8 rusë të vrarë nga zjarri miqësor i Koresë së Veriut, luftonin krah tyre në rajonin Kurskut! Mbyten 2 anije ruse cisternë me naftë në Krime, një i vdekur
15 Dhjetor, 10:00 -
'Daily Express': Shqipëria, vendi i vogël evropian më i bukur se Greqia dhe Kroacia
27 Nëntor, 07:33 -
VIDEO/ Shikoni se si ushtria ukrainase rrëzon bombarduesin rus duke e shenjëstruar nga një motoskaf!
13 Shtator, 07:51 -
Ky është peshkaqeni i parë robot i historisë, çfarë po synon shkenca nëpërmjet revolucionit inxhinierik
10 Gusht, 17:59 -
Një anije ekologjike për të mbledhur mbetjet plastike në liqenin e Fierzës! E sollën gjermanët dhe do qendrojë dy vite!
29 Maj, 16:53
-
Pse vlonjatët nuk ndërtuan përbindësha mbi Jon?
10 Maj, 16:19
-
Media britanike: Saranda, qyteti mesdhetar i shkëlqyer për pushime në plazh
23 Prill, 09:11 -
Revista gjermane “Kronen Zeitung”: Zbuloni destinacionin e ri mesdhetar, Shqipërinë
13 Prill, 09:15 -
VIDEO/ Forcat ukrainase shkatërrojnë me dronë anijen raketore ruse 70 mln $
1 Shkurt, 16:16 -
Baza e re detare ruse në Detin e Zi alarmon Gjeorgjinë
13 Dhjetor 2023, 11:25 -
Instalacioni për biodiversitetin në sheshin ‘Skënderbej’, Trajçe: I rikonceptuar me 38 specie, shumë prej tyre drejt zhdukjes! Artisti Eski: Vlerë për brezat që do vijnë
6 Tetor 2023, 20:55 -
Instalacion për biodiversitetin në sheshin ‘Skënderbej’! Rikonceptohet mozaiku i muzeut me 38 speciet më unike, për 3 javë Tirana fushatë për mbrojtjen e ekosistemit
4 Tetor 2023, 19:19
