Banesa e 62 vjeçarit me iniciale E.R në qytetin e Elbasanit është bërë objekt i një sulmi me lëndë plasëse orët e para të mëngjesit të sotëm.

Mësohet se djali i 62 vjeçarit akuzohet për një plagosje dhe është shpallur në kërkim nga policia.

Këtu është pista ku policia po heton për zbardhjen e kësaj ngjarje.

Ndërkohë nga shpërthimi i sotëm s’ka pasur të lënduar në njerëz, por vetëm dëme materiale të vogla.

Paraprakisht dyshohet se sulmi me lëndë plasëse është një kërcënim për familjen e 62-vjeçarit.

Po punohet për zbardhjen e rrethanave të plota të kësaj ngjarje.

Redaksia Online
(F.T/shqiptarja.com)