POP 5

Lajmet më të lexuara të 5 minutave të fundit

Ekonomi

Eksportet, më shumë fason
më pak material ndërtimi

Sipas INSTAT-it, për periudhën janar-korrik 2013, shitjet jashtë vendit rezultuan në rreth 142 miliardë lekë, me rritje 18.4% në krahasim me të njëjtën periudhë, nga 17.3% që ishin ritmet vjetore të rritjes për 6-mujorin.
TIRANE - Sipas INSTAT-it, për periudhën janar-korrik 2013, shitjet jashtë vendit rezultuan në rreth 142 miliardë lekë, me rritje 18.4% në krahasim me të njëjtën periudhë, nga 17.3% që ishin ritmet vjetore të rritjes për 6-mujorin. Por, ndërsa dy grupmallrat kryesore, “minerale, lëndë djegëse dhe energji”, “tekstile e këpucë-fason” kanë shënuar një ecuri pozitive, “materialet e ndërtimit e metaleve” kanë kthyer tendencën e rritjes në negative, si rrjedhojë e performancës tepër negative, që filloi në maj.

Eksportet e “minerale, lëndë djegëse e energji” u rritën me 46% për janar-korrik 2013, duke arritur në 58.4 miliardë lekë dhe duke përbërë zërin kryesor të eksporteve vendase, me rreth 41% të totalit. Pozitivisht ka ndikuar dhe eksporti i energjisë, pas rezervave të krijuara nga shirat e fillim vitit.

Eksportet e tekstileve e këpucëve kanë rimarrë veten në pjesën e parë të këtij viti, pas rënies prej rreth 4% me bazë vjetore vitin e kaluar. Për periudhën janar-korrik 2013, ato u rritën me 10%. Kurse material-ndërtimi e metalet thelluan ritmet e rënies, duke u tkurrur me 15%, pasi ishin gjallëruar me 12% për 4 mujorin.

Shkrimi u botua sot në gazetën Shqiptarja.com (print) 28.05.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35