TIRANE - Në korrik 2013 u eksportuan 24.2 miliardë lekë mallra, me rritje 16.8 përqind në krahasim me qershorin 2013 dhe rritje me 23.9 përqind në krahasim me korrikun 2012, njoftoi INSTAT. U importuan 48.3 miliardë mln lekë mallra me rritje 16.4 përqind në krahasim me qershorin 2013 dhe rritje 1.2 përqind në krahasim me korrikun 2012.

Defiçiti tregtar i këtij muaji është 24 miliardë lekë, duke  shënuar një ulje prej 14.6 përqind krahasuar me korrikun 2012.  Tregtia me vendet e BE është 69.5 përqind. Partnerët  kryesorë tregtarë vazhdojnë të jenë Italia dhe Greqia. Tregtia me Italinë është 38.7 përqind, ndërsa me Greqinë  është 7.2 përqind. 

Disa nga partnerët tanë tregtarë me të cilët eksporti dhe  importi është rritur, janë për eksportin, Gjermani, Itali, Kinë,  Kosovë, Turqi, etj, dhe për importin, Gjermani, Greqi, Itali,  Kosovë, Spanjë, etj. Krahasimi me muajin paraardhës për disa nga grup mallrat  tregon që: Eksporti i grupit “Prodhime druri dhe letre” u rrit 66.4 përqind”, “Makineri, pajisje dhe pjesë këmbimi” u rrit 40.6 përqind, “Tekstile dhe këpucë” u rrit 24.4 përqind, etj

Shkrimi u botua sot në gazetën Shqiptarja.com (print) 27.08.2013
 
Redaksia Online
(b.m/shqiptarja.com)