Në ekspozitë i është kushtuar një vëmendje e veçantë ilustrimit të teknologjisë ndërtimore të këtyre banesave përmes animacioneve filmike, për ti mundësuar publikut një udhëtim në histori.
Ceremoninë e hapjes së ekspozitës e përshëndeti Ministrja e Zhvillimit Urban, Eglantina Gjermeni, e cila tha se kjo ekspozitë sjell copëza jetë nga e shkuara e qytetit.
Gjermeni theksoi se “Në këtë 1 vit e gjysmë është bërë një punë kolosale nga stafi i Arkivit Qendror Teknik të Ndërtimit në kuadër të dixhitalizimit të dokumentave të arkivuar”.
Projekti i përgatitur dhe kuruar nga Gjergj Islami dhe Gjergj Thomai, erdhi i organizuar nga bashkëpunimi i Fakultetit të Arkitekturës dhe Urbanistikës - UPT dhe Arkivi Qëndror Teknik të Ndërtimit dhe mbështetjen e Institutit të Monumenteve te Kulturës, Galerisë së Arteve dhe Ministrisë së Kulturës.
Organizatorët thanë se kjo ekspozitë vjen si një ndër tentativat e para për të kthyer vëmendjen në një kapitull të pashkruar të historisë së arkitekturës shqiptare, në trashëgiminë e realizmit socialist.
Redaksia Online
(Alteo.H/shqiptarja.com)