POP 5

Lajmet më të lexuara të 5 minutave të fundit

Sociale

Ekspozita e rrallë e kartolinave, zbulohen urimet e shqiptarëve para 140 viteve

50 kartolina të vjetra janë ekspozuar në Korçë nga filatelisti i njohur Mirgen Shamblli. Këto kartolina janë dërguar nga emigrantët shqiptarë që asokohe jetonin në Britaninë e Madhe dhe SHBA dhe i përkasin viteve 1882-1940.

Koleksionisti dhe filatelisti i njohur, Mirgen Shamblli, ka sjellë një ekspozitë të veçantë në “Qoshkën e Koleksionistëve”.

Ekspozita përfshin 50 kartolina urimi për Krishtlindje dhe Vitin e Ri, të cilat i përkasin fundit të viteve 1880 deri në vitin 1940.

Kartolinat janë dërguar asokohe nga vende të ndryshme ku shqiptarët kishin emigruar në ato periudha, duke përfshirë Britaninë e Madhe, Amerikën, etj. Pjesa më e madhe e tyre janë të shkruara në gjuhën angleze.

“E vitit 1892 është kartolina më e vjetër që kam unë. Ka ardhur nga Britania në Korçë. Njerëzit i hedhin kartolinat, ndërsa unë i koleksionoj për pasion,” tha Shamblli.

Kompozimi dhe grafikat i bëjnë të veçanta këto kartolina, ndërsa mbledhja e tyre ka qenë e vështirë, pasi të pakta janë familjet korçare që kanë mundur t’i ruajnë urimet nga gjyshërit dhe stërgjyshërit e tyre.

“Urimet janë të njëjta si sot: Gëzuar Krishtlindjen dhe Gëzuar Vitin e Ri!”, tha ai, duke shtuar se më të veçantat janë kartolinat me litografi dhe stampime.

Ekspozita do të jetë e hapur deri në ditët e para të janarit, ndërsa ka tërhequr vëmendjen e vizitorëve që po kalojnë pushimet dimërore në Korçë.

R.D/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53