TIRANE - Një ortak turk dhe shok i Satin është ai që e ka thirrur në takim biznesmenin e vrarë në Stamboll. Ndërsa gjithnjë e më shumë pistat e hetimit po fokusohen tek problemet që Satin ka patur me ortakët e vetë në Shqipëri.

Mediat turke njoftojnë se po vijojnë hetimet për gjetjen e autorëve të vrasjes së biznesmenit Omer Satin. Nën hetim janë të gjitha problemet që biznesmeni mund të ketë patur, përfshirë bizneset e tij në disa vende të botës, mes të cilave në Shqipëri.

Biznesmeni 54-vjeçar u gjet i qëlluar me disa plumba pistolete pranë një stacioni autobusi në lagjen Atakëj, në Stamboll. Ai kishte dalë nga shtëpia me pretendimin se do të takonte një shok turk, pronar i një lokali në Hungari. Por në Atakëj, ndërkohë që ai e kishte fikur makinën dhe po priste brenda saj, gjithmonë sipas gazetës turke "Hyrrijet", iu afrua një person i cili qëlloi mbi të 4 herë.

faksimili gazeta turke vatan biznesmenti turk satin
(Faksimile e gazetës turke Vatan)

Shkrimin e plotë me detaje të reja hetimore nga policia turke e lexoni në gazetën e përditshme SHQIPTARJA.com (PDF)KLIKONI KETU PER TE LEXUAR ME SHUME

(Gre.M/Shqiptarja.com)