TIRANË- Atentatorët e Shkëlzen Lekës, janë vrasës me pagesë! Ky është konkluzioni i vetëm në të cilin ka arritur grupi i posaçëm hetimor që po merret me zbardhjen e ekzekutimit të dy netëve më parë në mes të Tiranës. Janë dokumentuar mbi 30 dëshmi që kanë të bëjnë mbi momentin e ekzekutimit si dhe mbi përditshmëritë e viktimës, ndërkohë që është kërkuar edhe rrëfimi i miqve të afërt të Shkëlzenit dhe të vëllait të tij, Alban Lekës, një personi mjaft të njohur në qarqet e policisë së Dibrës, por që i pa dokumentuar ligjërisht në asnjë dosje.