Mafia në Shqipëri, Artan Hoxha në Repolitix: Gazetarët e huaj kanë perceptim tjetër për lajmin

Gazetari investigativ Artan Hoxha ka komentuar këtë të mërkurë në emisionin Repolitix edhe botimin e muajit shkurt të revistës gjermane "Stern", ku Shqipëria trajtohej si rruga nga e cila fillonte trafiku i drogës. Sipas Hoxhës duhet marrë parasysh mënyra sesi e perceptojnë mediat britanike praninë e grupeve kriminale në vend.

"Stern ka publikuar një shkrim dhe titulli kryesor është "Rruga e Re e Drogës" dhe kjo rrugë fillonte nga Shqipëria. Unë kam bashkëpunuar me ato gazetarë, kanë punuar gjashtë muaj. Duhet thënë se krijoi mjaft problematika dhe kur e kam parë edhe vet m'u duk titull abuzues. Artikulli u botua në shkurt dhe më 26 shkurt u kap kontinieri nga Kolumbia. Më pas ndodhi vrasja në Ekuador dhe aty flitet edhe për Klement Balilin. Atë  ditë që u dorëzua Balili, gazetari gjerman më mori në telefon për të disatën herë.

Tek ky ishin 12 faqe dhe i ka bërë një skemë të plotë shumë të detajuar. Menjëherë sa ka dalë artikulli, policia kriminale ka zbërthyer artikullin dhe ka shkuar në vendet e përmendura. Por është fakt se këto personat me armë në dorë u gjetën, u morën në pyetje, u proceduan. Nuk e di se cfarë ndodhi më pas, por di që u gjendën në terren. Mënyra sesi një gazetar përshkruan një shqiptar gjigand me mitralozë të lehtë në dorë është sfiduese për to, por nga ana tjetër merr parasysh edhe disporcionin e numrit të ulët të popullsisë në Shqipëri me numrin e këtyre grupeve kriminale", u shpreh Artan Hoxha për gazetarin Denis Minga.

Lajmi kryesor:

'Mafia shqiptare, realitet apo fiction?', Artan Hoxha në Repolitix: Ka vetëm grupe kriminale, arrestimi i djeshëm i Dorian Petokut e dëshmon

TAG:
• repolitix
• mafia shqiptare
• Artan Hoxha