Elbasan- Është bllokuar përreth një orë qarkullimi në aksin Elbasan-Peqin, në vendin e quajtur Papërr. Shkak për këtë bllokim është bërë një maune rreth 5 metra e gjatë e cila ka humbur kontrollin si pasojë e lagështirës, duke rënë në mes të rrugës. Mjeti me targa të huaja YE 404DP vinte nga Maqedonia në drejtim të Durrësit. Mësohet se drejtuesi i maunes 29-vjeçari me iniciale A.M nuk ka pësuar dëmtime. Për të spostuar mjetin dhe për të rifilluar qarkullimin normal të automjeteve të tjera kanë ndihmuar banorë të zonës.Nuk dihet përsa kohë ajo do të qëndrojë e spostuar buzë rrugës, pasi është e vështirë të lëvizet.