ELBASAN- Një sherr mes 2 të rinjsh në një qendër interneti ka degjenuar në përdorimin e mjeteve të forta, ndërsa njëri prej tyre ndodhet në gjëndje të rëndë shëndetësore. Ngjarja është shënuar në orët e vona të mbrëmjes së djeshme, 29 dhjetor, në një qendër interneti në lagjen “5 Maji“ të qytetit të Elbasanit.

Policia e Elbasanit bën të ditur se Fatjon Cenaj, 17 vjeç është qëlluar 2 herë me thikë nga pas nga 20 vjeçari Xheni Kuka, i cili më pas është larguar nga vendi i ngjarjes. Shkak i plagosjes së 17 vjeçarit ka qenë një sherr që dy të rinjtë kishin bërë një orë para se të ndodhte ngjarja. Policia ka shpallur në kërkim 20 vjeçarin dhe po punon për arrestomin e tij
/sg/shqiptarja.com/