POP 5

Lajmet më të lexuara të 5 minutave të fundit

Kronikë

Elbasan/ Vrasja Pjerin Xhuvanit, përfundon seanca maratonë ndaj Arbër Paplekajt, pyeten 4 anëtarët e ish-Strukturës së Armatosur në PD: S'mbajmë mend asgjë

Ka përfunduar seanca maratonë ndaj Arbër Paplekajt që u zhvillua ditën e sotme. Deri tani mësohet se kanë dëshmuar anëtarët e ish Strukturës së Njësisë së Mbrojtjes së Votës në PD. I pari ka dëshmuar Arjan Hoxha, ish përgjegjës i sigurisë për shtabin elektoral të subjektit politik Partia Demokratike për qarkun Elbasan

Ka zgjatur më shumë se 5 orë seanca për Arbër Paplekajn në Gjykatën e Elbasanit, ku u pyetën 4 dëshmitarë për vrasjen e Pjerin Xhuvanit. Ish-anëtarët e strukturës së paligjshme të PD-së “për mbrojtjen e votës” Arjan Hoxha, Erjon Demushi, Pavlo Vuksani dhe Nuredin Kasmi thanë dëshminë e tyre, duke i qëndruar besnikë dëshmive të para rreth ngjarjes dhe pa rrëfyer detaje.

Sipas avokates së familjes Xhuvani, Rezarta Tahiraj, Arjan Hoxha ka mohuar “Strukturën e Mbrojtjes së Votës”, duke e cilësuar atë si shpikje të medias. 

Për vrasjen e bujshme të ndodhur pak ditë para zgjedhjeve parlamentare u vetëdorëzua Arbër Paplekaj, truprojë i drejtuesit politik të PD në Elbasan në atë kohë Gazmend Bardhi, ndërsa përplasja u shënua në një situate tensionuar politike.

Çfarë ndodhi më 21 prill të 2021:
Pjerin Xhuvani mbeti i vrarë në Elbasan pasi u qëllua me armë nga Arbër Paplekaj, shoqëruesi i kreut të listës së Partisë Demorkatike, Gazment Bardhi. Nga ngjarja e 21 prillit, të plagosur mbetën edhe katër persona të tjerë, Emiljan Prenga, Pavlo Vuksani, Eltjon Bodinaku dhe Xhensila Sota ( punonjëse e policisë). Paplekaj pranoi krimin dhe u vetëdorëzua në Repartin e Forcave RENEA në Tiranë duke thënë se qëlloi për vetëmbrojtje pasi u qëllua më parë nga persona që sipas tij po blinin vota. Ngjarja zbuloi edhe skandalin e PD-së për ngritjen e një grupi të armatosur, të vetëshpallur Struktura për Mbrojtjen e Votës, ku një pjesë e mirë e anëtarëve të së cilës rezultuan persona të njohur edhe për strukturat ligjzbatuese në vend. Këtë e bëri publik me zë dhe me figurë Sekretari i Përgjithshëm i Partisë Demokratike, Gazment Bardhi duke bërë me dije se Arbër Paplekaj që vrau Xhuvanin të paarmatosur, ishte pjesë e kësaj strukture.

Rendit zhvillimet sipas orarit:
Ora 16:43
Seanca ndaj Arbër Paplekajt, flet avokatja e familjes Xhuvani: Procesi do jetë i gjatë

1673432391_Screenshot1.jpg

Rezarta Tahiraj avokatja e familjes së Pjerin Xhuvanit, në një prononcim për gazetarët është shprehur se ky proces do të jetë i gjatë. Sipas avokates Arjan Hoxha ka mohuar “Strukturën e Mbrojtjes së Votës”, duke e cilësuar atë si shpikje të medias.

‘U dëgjuan katër dëshmitarë. Me dëshminë e parë u deklarua se ishte një shpikje e medias përcaktimi i strukturës se mbrojtjes së votës dhe që fjala e saktë do të ishte strategji. Në këtë pikë është e nevojshme të shohësh videon e deputetit Bardhi. Mbetet për tu pyetur kush ka të drejtë. Për pjesën tjetër u kuptua që ky proces do të jetë i gjatë. Megjithatë, cilado të jetë sigla e atyre ekipeve të tre furgonave që kanë vepruar në Elbasan atë ditë të vrasjes, gjëja e sigurtë është se njeri prej tyre ishte i armatosur dhe për vetë rrëfimin e tij ka vrarë mjekun dhe aktivistin politik Pjerin Xhuvani.’- u shpreh ai.

M.Q./Shqiptarja.com

G.MO/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 21/01/2023 00:06

    Humbja e kujteses paska rene si epidemi mes ketyre!!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata