POP 5

Lajmet më të lexuara të 5 minutave të fundit

Politikë

Elbasani feston ditën e ngritjes flamurit, Gjiknuri: Shqipëria është shumë më e sigurtë nga çfarë ka qenë, sheh drejt BE-së

I pranishëm në këtë aktivitet ishin dhe Sekretari i Përgjithshëm i PS, Damian Gjiknuri, njëherësh dhe drejtues politik i qarkut, Kryebashkiaku Gledian Llatja, deputetë, përfaqësues vendor dhe përfaqësues të familjeve të vjetra të qytetit

25 nëntori, hapi siparin e festimeve të 110 vjetoritn të shpalljes së Pavarësisë, me ngritjen e flamurit në Elbasan. Bashkia e Elbasanit organizoi disa aktivitete me këtë rast, mes tyre edhe ngritjen e simbolike flamurit në qendër të qytetit. I pranishëm në këtë aktivitet ishin dhe Sekretari i Përgjithshëm i PS, Damian Gjiknuri, njëherësh dhe drejtues politik i qarkut, Kryebashkiaku Gledian Llatja, deputetë, përfaqësues vendor dhe përfaqësues të familjeve të vjetra të qytetit. 

Gjiknuri theksoi se falë veprës së atyre patriotëve, Shqipëria arriti që të jetë shtet i pavarur. “ Në ato kohë të vështira, kur fati i Shqipërisë nuk dihej si do të shkonte në rrënimin e Perandorisë Osmane, ishin këta burra të mençur të Elbasanit, të cilët bënë hapin e parë formal për të shpallur Shqipërinë të pavarur. Vërtet flamuri u ngrit në Vlorë, ai është eventi që njeh gjithë Shqipëria, por patriotët e Elbasanit ishin të parët, që ndërmorën këtë hap dhe jo pa qëllim.  Elbasani si qendra e Shqipërisë, tamam “kërthiza” e Shqipërisë, dhe për rolin që ka luajtur në histori si nga pikëpamja e dijes, po ashtu edhe nga trimëria, bëri këtë akt heroik që e vlerësojmë edhe sot dhe që është kontribut i të parëve tanë”, tha ai.

Numri dy i socialistëve u shpreh se Shqipëria është shumë më e sigurtë nga çfarë ka qenë, dhe një vend që sheh drejt BE-së. “Njëkohësisht edhe në kontekstin ku jetojmë, Shqipëria është shumë më e sigurtë nga çfarë ka qenë. Shqipëria po sheh drejt Bashkimit Europian, por gjithçka është ndërtuar mbi punën dhe sakrificën e brezave që kanë kaluar. Të ndjeheni krenarë, dhe të bëjmë krenar të gjithë Shqipërinë me këtë ceremoni simbolike këtu në Elbasan”, nënvizoi Gjiknuri. 

Sekretari i Përgjithshëm i PS u shpreh se sakrifica e të parëve bën ccdo qytetar të Elbasanit krenar. “Në fund të fundit çdo elbasanlli duhet të jetë vërtet i respektuar dhe të ndjehet mirë për atë çfarë kanë bërë të parët.  Unë e them kudo, Elbasani ka dy karakteristika që shumë pak krahina mund ti kenë në Shqipëri: ka edhe mendjen, ka edhe zemrën. Pra, kanë qenë të penës dhe të librit, por kanë qenë edhe të trimërisë dhe në histori e kanë treguar këtë.  Rrallë herë kombinohen tek një krahinë këto dy karakteristika. Pikërisht, jemi sot këtu, për t’u ndjerë krenarë dhe për të respektuar sakrificën e tyre”, deklaroi Gjiknuri.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça