POP 5

Lajmet më të lexuara të 5 minutave të fundit

Politikë

Elisa Spiropali fiton garën e FRESSH
Rama: Fytyra e brezit të ri socialist

Elisa Spiropali rizgjidhet për herë të dytë në krye të FRESSH. Spiropali ka arritur të sigurojë fitoren kundër koleges së saj të re Joleza Koka e cila u rendit e dyta.
Elisa Spiropali fiton garën e FRESSH<br />Rama: Fytyra e brezit të ri socialist
TIRANE - Elisa Spiropali rizgjidhet për herë të dytë në krye të FRESSH. Spiropali ka arritur të sigurojë fitoren kundër koleges së saj të re Joleza Koka e cila u rendit e dyta.

Në garë për drejtimin e Forumit Rinor Eurosocialist ishin gjashtë konkurentët Joleza Koka, Juxhin Çela, Elis Hoxha, Maria Myridinas, Artur Micko dhe Elisa Spiropali. Konkurentët kanë prezantuar platformat e tyre për kryesimin e të rinjve socialistë në një turne njëmujor që ka prekur 36 rrethe të vendit.

RAMA: RISI POLITIKE
Gjatë një konference për shtyp të zhvilluar mbrëmjen e sotme në selinë e PS, i shoqëruar nga 6 kandidatët, lideri socialist Edi Rama theksoi faktin se këto zgjedhje sollën “një risi politike” jo vetëm në PS por në “jetën publike shqiptare”. “Formula është një risi absolute në Shqipëri që bazohet në sistemin amerikan”, tha Rama.

Ai përgëzoi “nga zemra këta liderë të rinj që janë fytyra, mendja dhe zemra e një gjenerate të re socialistësh të riorganizuar përmes një procesi të mundimshëm të ReFRESSH”.

SPIROPALI: TE RINJTE DUAN NDRYSHIM
“Kjo garë ka qenë fantastike - tha fituesja e cila mori fjalën e fundit mes gjashtë kandidatëve - ku kemi mësuar shumë dhe ku kemi ndjerë dëshirën e të rinjve për ndryshim”.

Kjo “ka qenë një eksperiencë e madhe për të gjithë ne dhe unë jam e lumtur që kam dalë e para në këtë votim dhe që kam mbështetjen e të pestë kandidatëve tjerë”, shtoi Spiropali.

“Kjo është gara e të gjithë shqiptarëve që brenda këtij viti ne të sjellim ndryshimin e madh dhe të bëjmë të mundur rilindjen e madhe”, tha ajo. “Ka qenë një leksion i madh për ne dhe betohemi solemnisht këtu përpara jush që do t’ua rikthejmë besimin tuaj”.

(fd/im/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Protesta e PD-së/ Një makinë bllokohet tek Pallati me Shigjeta, protestuesi nuk e lë të kalojë

Protesta e PD-së/ Një makinë bllokohet tek Pallati me Shigjeta, protestuesi nuk e lë të kalojë

26 Nëntor, 17:18