Eliza Dushku e Anxhela Martini
magjepsin Tiranën

TIRANE - Filmi dokumentari “E dashur Shqipëri”, që mban firmën e aktores të mirënjohur me origjinë shqiptare, Eliza Dushku mblodhi në Tiranë shumë figura të rëndësishme shqiptare që po korrin sukses në botë. Fadil Berisha, Anxhela Martini, Blerim Destani, etj ishin ndër figurat kryesore që kaluan në tapetin e kuq.

Në kuadër të Tirana Art Day, bukuroshja Eliza Dushku vendosi ta prezantojë filmin e saj në “Kinema Millenium”, duke qenë edhe vet e pranishme në të.

E veshur me një fustan të kuq dhe këpucë të zeza, si simbolet e flamurit tonë , Dushku dukej shumë klas dhe perfekte, teksa ka pozuar për fotografët në tapetin e kuq. Ajo shoqërohej nga bashkëpunëtorët e të ngushtë si edhe nga vëllai i saj, i cili është njëkohësisht edhe regjisori i filmit të saj.

Detajet e promovimit, do ti lexoni nesër në suplementin THASH&THEM.

(Su/ Shqiptarja.com)