Eliza Dushkut i vjedhin çantën Louis
Vuitton të maskuarit për Halloween

Aktorja shqiptare me karrierën e saj të suksesshme në Amerikë, Eliza Dushku ka rënë pre e hajdutëve në natën e festës së Halloweenit.

Ajo ka mbërritur në hotel Rhode Island bashkë me një çantë Louis Vuitton me kosto 2 mijë $ të cilën e kishte dhuratë nga personaliteti i televizionit dhe “bizneswomen” Sharon Osbourne .

Ndërkohë që ajo ka qenë duke shkarkuar bagazhet e tjera drejt hotelit, çantën e ka lënë në cep të bagazheve të cilën ia kanë vjedhur dy persona të maskuar për Halloween dhe aktorja nuk i ka njohur.



Më pas ajo ka kërkuar ndihmën e ndjekësve në rrjetet sociale si Twitteri.

Me ndihmën e sigurisë pas disa orëve asaj i është kthyer çanta dhe ka rifreskuar statusin në Twitter duke shkruar “U arrestuan të kërkuarit bashkë me çantën time.

Faleminderit që e bëtë këtë të ndodhë”.
Redaksia Online
(g.m/shqiptarja.com)