Eliza Hoxha: “Ende herët për të krijuar familje”

Këngëtarja kosovare Eliza Hoxha ka thënë se është ende herët për të krijuar një familje si dhe për t’u bërë nënë. Sipas saj çdo gjë duhet në kohën dhe në momentin e duhur. “Mendoj që të gjithë në jetë kanë orën e vet. Çdo gjë ka kohën dhe momentin e vet tek secili nga ne”, -është shprehur Hoxha për mediat shqiptare. Gjithashtu është shprehur edhe për konceptin e saj mbi dashurinë.“Dashuri perfekte nuk ka, por perfeksioni mbështjell një dashuri atëherë kur e adhurojmë dhe e dashurojmë personin tjetër me gjithë anët e mira dhe të këqija që ka. Atëherë dashurojmë sinqerisht”,- ka rrëfyer këngëtarja. Eliza Hoxha është një nga këngëtaret kosovare më të pëlqyera dhe të kërkuara jo vetëm në Kosovë por edhe në Shqipëri. (xh.k/shqiptarja.com)