TIRANË- Ndryshimet në qeveri kanë sjellë lëvizje të reja edhe në disa dikastere të rëndësishme të nivelit të dytë. Vakancën e krijuar pranë Inspektoratit të Mbrojtjes së Territorit për shkak të emërimit të Ervin Hoxhës Ministër të Brendshëm.
Kryeministri Edi Rama e ka plotësuar me rikthimin sërish në krye të kësaj detyre të Dallëndyshe Bicit. Kjo e fundit mbante postin e Drejtoreshës së Kadastrës që nga 9 marsi 2023, duke zëvendësuar Artan Lamen.
Në krye të Kadastrës, vendoset Lorena Goxhabelli, e cila shërbente si këshilltare e jashtme ligjore për pronësinë në Ministrinë e Mbrojtjes që prej qershorit 2022.
Kreshnik Bajraktari do të mbajë postin e drejtorit të Autoritetit Portual të Durrësit, i cili deri më 30 korrik u mbajt nga Pirro Vengu që u emërua ministër i Mbrojtjes. Bajraktarit iu besua drejtimi i Portit të Durrësit një ditë më parë, pasi u mbyll hapja e tenderit për ndërtimin e portit të ri tregtar në Porto Romano.
Ndërkohë, Erlind Sulo emërohet drejtori te Agjencia Kombëtare e Burimeve Natyrore, pasi Petrit Malaj u emërua ministër i Financave. Erlind Sulo më 13 mars 2024 u emërua drejtori i KESH, pozicion ky që tashmë është ende vakant.
Erlind Sulo është emëruar drejtoi i ri i Agjencisë Kombëtare të Burimeve Natyrore (AKBN). Emërimi i tij vjen pas largimit të Petrit Malajt nga ky post dhe emërimit të tij si ministër i Financave.
Erlind Sulo ka mbajtur kreun e Koorporatës Elektro-Energjetike Shqiptare. Më parë ai ka qenë drejtoi i FRESH në Sarandë dhe më vonë është emëruar edhe drejtor i Parkut të Butrintit.
Gjithashtu për një periudhë të shkurtër kohore ai ka qenë drejtor ekzekutiv i Agjencisë Kombëtare të Burimeve Natyrore. Sulo ka mbajtur postin e këshilltarit në Ministrinë e Infrastrukturës dhe Energjisë.
Kreshnik Bajraktari do të mbajë postin e drejtorit të Autoritetit Portual të Durrësit i cili deri më 30 korrik u mbajt nga Pirro Vengu.
Pirro Vengu u emërua nga kryeministri Edi Rama si ministër i Mbrojtjes dhe sot pas betimit tek presidentit do të nisë punën në krye të këtij dikasteri.
Kreshnik Bajraktari, drejtor i ri i Autoritetit Portual të Durrësit
Kreshnik Bajraktari së fundmi ka punuar si Këshilltar i Ministrit të Infrastrukturës dhe Energjisë, ndërsa vjen nga një eksperiencë e gjatë në administratën publike si ekspert në fushën e transportit.
Kreshnik Bajraktari është diplomuar në Universitetin Politeknik të Tiranës, Fakulteti i Inxhinerisë Mekanike, ku ka përfunduar edhe Masterin Shkencor në profilin e “Konstruksioneve Mekanike të Mjeteve Lëvizëse”. Z. Bajraktari ka kryer gjithashtu një sërë programesh kualifikuese brenda dhe jashtë Republikës së Shqipërisë me ekspertizë në fushën e Transportit në bashkëpunim me organizata ndërkombëtare si Agjencia e Bashkëpunimit Ndërkombëtar të Japonisë (JICA) dhe Agjencia Gjermane për Bashkëpunim Ndërkombëtar (GIZ).
Gjatë periudhës 2023-2024, ka punuar si Inxhinier i Sistemevetë Sinjalizimit dhe Komandë-Kontrollit pranë HekurudhësShqiptare
2022-2023, ka mbajtur pozicionin e Inxhinierit mekanik në njësërë projektesh të Organizatës së Kombeve të Bashkuara
2014-2022, ka punuar si Përgjegjës i Qendrës së Kontrollit të Trafikut Urban pranë Bashkisë së Tiranës
2013-2014, ka punuar si Inxhinier transporti në Bashkinë e Tiranës
2011-2013, ka mbajtur pozicionin e Inxhinerit/ Planifikuesit të Transportit në projektin për “Planifikimin Tematik Urban të Tiranës” pranë Agiencisë së Bashkëpunimit Ndërkombëtar të Japonisë (JICA) në Tiranë
2014-2024, ka punuar si ekspert transporti në disa projekte dhe studime në fushën e transportit me kompani vendase dhe ndërkomëtare. Bajraktari është njohës shumë i mirë i gjuhës angleze dhe asaj italiane.
Dallëndyshe Bici rikthehet në IKMT-të. Pas 16 muajve në krye të Agjencisë Shtetërore e Kadastrës, kryeministri Edi Rama firmosi rikthimin e saj në krye të Inspektoriatit Kombëtar të Mbrojtjes së Territorit.
Urdrhi mban datën 30 korrik. Dallëndyshe Bici do të zërë vendin e Ervin Hoxhës i cili sot mori zyrtarisht detyrën e ministrit të Brendshëm pasi bëri dhe betimin tek presidenti Bajram Begaj.
Dallëndyshe Bici u vendos në krye të Kadastrës, (Institucioni që bashkoi ALUIZNI-n dhe hipotekën) më 9 mars 2023, pasi kryeministri Rama shkarkoi nga ky post Artan Lamen që e drejtonte që prej marsit të vitit 2019
Lorena Goxhabelli, drejtuesja e re e Kadastrës
Ndërkohë me largimin e Dallëndyshe Bicit, në krye të Kadastrës vihet Lorena Goxhabelli.
Goxhebelli vjen nga Ministria e Mbrojtjes, ku shërbente si këshilltare e jashtme ligjore për pronësinë në kabinetin e ministrit që prej qershorit 2022.
Ka eksperiencë të gjatë në fushën e drejtësisë, fokusuar kryesisht në çështjet e pronësisë, administrimit të tokës, kontratat publiko-private për administrimin e pronës shtet, etj.
Lorena Goxhobelli është diplomuar në vitin 2006 për drejtësi në Universitetin e Tiranës dhe ka kryer studimet master në ekonomi, me fokus administrimin publik, në periudhën 2009 - 2011.
Në vitet 2014 - 2017 ka mbajtur postin e këshilltarit ligjor të Zëvendëskryeministrit, e më pas të këshilltarit ligjor të Ministrit të Bujqësisë dhe Zhvillimit Rural, deri në muajin maj të vitit 2022.
Në periudhën 2009-2013 ka qenë e angazhuar, si pjesë e ekipit të një kompanie ndërkombëtare, i cili zbatoi një projekt të financuar nga Bashkimi Evropian për ngritjen dhe forcimin e strukturave shtetërore për menaxhimin e decentralizuar të asistencës financiare të BE.
Ka qenë gjithashtu pjesë e administratës publike në vitet 2007-2009, fillimisht në Drejtorinë Juridike e më pas në Drejtorinë e Licensave dhe Menaxhimit të Kontratave në Ministrinë e Ekonomisë, Tregtisë dhe Energjetikës.
Ka eksperiencë akademike, fillimisht si asistente pedagoge e më pas si pedagoge e së Drejtës Ndërkombëtare Publike, të Drejtës Familjare dhe e së Drejtës Ndërkombëtare të të Drejtave të Njeriut në institucione publike dhe private të arsimit të lartë.
Aktualisht mban edhe postin e drejtorit të Divizionit Ligjor në Koorporatën e Investimeve Shqiptare.
Ajo është anëtare e Dhomës Kombëtare të Avokatisë që prej vitit 2006.
Fusha e angazhimit: Këshillim ligjor i Ministrit të Mbrojtjes në çështjet e pronësisë për pronën shtetërore në administrim të Ministrisë së Mbrojtjes.
Komente
Lajme të tjera
-
APP konfirmon zyrtarisht: Tenderi i Portit të ri Tregtar në Porto-Romano u anulua sepse nuk pati asnjë ofertë të përshtatshme!
11 Tetor, 17:01 -
Në burg për trafik armësh dhe grup kriminal, Apeli i GJKKO rrëzon kërkesën e Admir Tutaj për ndryshim mase! Në shtator u ekstradua nga Kolumbia
11 Tetor, 12:36
-
Fshehu 31 120 paundë në shasinë e furgonit arrestohet 32 vjeçari në Portin e Durrësit, në korrik solli nga Britania 111 mijë paund
11 Tetor, 09:51
-
Bashkia e Tiranës dhe Kadastra marrëveshje bashkëpunimi për legalizimin e ndërtimeve pa leje! Miratohet në Këshillin Bashkiak pa votat e opozitës
9 Tetor, 08:52 -
Shteti mbledh 10 milion euro nga taksa e karburantit! Në 8 muaj u furnizuan 450 jahte, 13 kroçera në portin e Durrësit
19 Shtator, 15:19 -
Nis reahabilitimi i hyrjes së Shkodrës! Shemben 21 shtëpi e lokale si dhe 50 baraka të romëve
16 Shtator, 12:23
-
'Mbetjet e rrezikshme të Kurum' në Kuvend! Rama në interpelancë: Aludim psikopatologjik i artikuluar nga goja 7 penxherëshe! Bardhi: Kush i lejoi?
12 Shtator, 07:09 -
Fatos Çoçoli: Kompani që padisin Shtetin dhe bëjnë kontrabandë? Si po pastrohet Porti i Durrësit
6 Shtator, 10:33
-
Kontrata u firmos pak ditë para skandalit me mbetjet toksike të Kurum, gjermanët e EMS ‘braktisin’ portin lindor në Durrës! Do të menaxhohet nga kroatët
3 Shtator, 15:36
-
Skandali me mbetjet toksike të Kurum, kompania 'EMS' shet koncesionin e kalatës lindore në Portin e Durrësit
3 Shtator, 07:19 -
Trafiku i “Kurum” në duart e motrave Pemati! Gjovana e Olizana, mbretëreshat e trafikut të mbetjeve toksike, në skenë turku Serdar Can Hakliol dhe linja Kroaci-Durrës
2 Shtator, 15:44 -
Mbetjet toksike/ Zv. kryeministrja e bëri përgjegjëse, koncesionari e rrëzon: Bëjmë vetëm ngarkim-shkarkim! Kontrata nuk përmend analiza
30 Gusht, 20:08
Me pare ka qene drejtor i FRESH....pastaj i KESH dhe tani si ta varet nga Rama si ta kesh....
Përgjigju