POP 5

Lajmet më të lexuara të 5 minutave të fundit

Arkiva

Emërohen tre anëtarë të Komisionit Kombëtar të Përzgjedhjes për Trupën e Lartë Drejtuese të Administratës Publike

TIRANË -Këshilli i Ministrave vendosi gjatë mbledhjes së sotme emërimin e tre anëtarëve të Komisionit Kombëtar të Përzgjedhjes për Trupën e Lartë Drejtuese të Administratës Publike (TND).
Anëtarët e rinj janë z. Aleksandër Xhuvani, znj. Ledia Plaku dhe znj. Besa Shahini.
Më poshtë vendimi i plotë i Këshillit të Ministrave:
VENDIM PËR EMËRIMIN E TRE ANËTARËVE TË KOMISIONIT KOMBËTAR TË PËRZGJEDHJES PËR TND-NË
Në mbështetje të nenit 100 të Kushtetutës dhe të pikës 2, të nenit 31, të ligjit nr.152/2013, "Për nëpunësin civil", të ndryshuar, me propozimin e ministrit të Shtetit për Inovacionin dhe Administratën Publike, Këshilli i Ministrave
V E N D O S I:
1. Emërimin si anëtarë të Komisionit Kombëtar të Përzgjedhjes për TND-në të:
- z. Aleksandër Xhuvani;
- znj. Ledia Plaku;
- znj. Besa Shahini.
2. Në zbatim të pikës 2, të nenit 31, të ligjit nr.152/2013, "Për nëpunësin civil", të ndryshuar, dhe të pikës 3, të kreut XI, të vendimit nr.118, datë 5.3.2014, të Këshillit të Ministrave, "Për procedurat e emërimit, rekrutimit, menaxhimit dhe përfundimit të marrëdhënies në shërbimin civil të nëpunësve civilë të nivelit të lartë drejtues dhe të anëtarëve të TND-së", mandati i këtyre anëtarëve fillon në mbledhjen e parë konstituive të KKP-së dhe kohëzgjatja e tij përcaktohet në bazë të shortit që do të organizohet për këtë qëllim.
Ky vendim hyn në fuqi pas botimit në "Fletoren zyrtare". /ATSH/

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi