POP 5

Lajmet më të lexuara të 5 minutave të fundit

Bota

Emigrantët në Greqi protestë për të mos qëndruar në ishull, hidhet gaz lotsjellës! Kundër një kampi të ri në Moria

Të pastrehë prej disa ditësh emigrantë e kampit tanimë të djegur të Morias nw Greqi, protestojnë kundër ndërtimit të kampi të ri aty, duke ndarë të njëjtin mendim me banorët të lodhur tanimë nga strehimi i emigrantëve.

GREQI- Djegia e kampit të Morias në Greqi mëngjesin e së mërkurës la të pastrehë të paktën 13 000 migrantë, duke ngritur pikëpyetje të mëdha se ku do të strehohen ata të cilët prej ditësh kanë fjetur në qiell të hapur.

Idenë e qeverisë greke për të ndërtuar një kamp të ri, e kanë kundërshtuar si emigrantët ashtu edhe banorët e ishullit të cilët kanë bllokuar rrugët për të ndaluar dorëzimin e ndihmave.

"Ne nuk duam një kamp tjetër dhe ne do të kundërshtojmë çdo ndërtim," u citua të thoshte një banor i cili u shpreh se është koha e të tjerëve për të mbajtur këtë barrë.

Protesta pati edhe në radhët e emigrantëve, të cillët kërkojnë zgjidhje për të mos u lënë në ishull. Policia greke është detyruar të përdorë gaz lotsjellës për t’i shpërndarë.

Tensionet nisën pasi qindra migrantë, duke brohoritur “Liri”, marshuan në rrugët që çojnë drejt portit të Mytilene, ku policia ka ndaluar ngritjen e disa kampeve të përkohshme për migrantët.

Në përpjekje për të siguruar strehim Gjermania  së bashku me dhjetë vende evropiane kanë rënë dakord që të marrin 400 fëmijë të pashoqëruar, të cilët kanë ikur nga kampi Moria, ku ende zyrtarisht nuk ka dalë motivi i rënies së zjarrit.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01