Ekonomia shqiptare vijon të mbështetet, edhe 28 vjet pas nisjes së emigracionit, në prurjet valutore të shqiptarëve që punojnë e jetojnë jashtë vendit. Në fund të vitit 2017, sipas Bankës Botërore, dërgesat e emigrantëve shqiptarë për familjet e tyre llogariten në vlerën një miliard e 382 milionë dollarëve amerikanë. Krahasuar me vitin pararendës, 2016-a shënohet rritje në masën 5.8 për qind. Këto të dhëna dalin nga një studim i Open Data Albania lidhur me remitancat.
Dërgesat e emigrantëve janë një burim shumë i rëndësishëm për shumë vende në zhvillim, përfshirë dhe Shqipërinë. Pas eksporteve, ato janë burimi kryesor i financimit të jashtëm si në terma absolute ashtu edhe në peshë relative kundrejt Prodhimit të Brendshëm Bruto. Por dërgesat e emigrantëve kanë rënë me shpejtësi sidomos pas thellimit të krizës ekonomike të Eurozonës. Viti më i mirë për dërgesa të larta të tipit remitanca është viti 2008 me 1.86 miliardë dollarë. Por në dy vitet e fundit 2016 dhe 2017, remitancat në ekonominë shqiptare kanë filluar të rriten sërish krahasuar me vlerën e viti 2015.
Origjina
Open Data Albania ka hulumtuar edhe origjinën prej nga vijnë këto dërgesa paraje në vitin 2017, duke identifikuar vendet nga ku ka më shumë hyrje remitancash. Vendet kryesore nga ku e kanë origjinën dërgesat e emigrantëve shqiptarë janë Greqia - 44% e totalit, Italia 36.3%, Shtetet e Bashkuara të Amerikës 7.4%, etj.
Të dhënat tregojnë se pesha e vendeve të origjinës në fluksin e remitancave në Shqipëri ka mbetur thuajse konstante gjatë katër viteve të fundit, ku Greqia vazhdon të mbetet burimi kryesor, ndërsa Italia vjen në vendin e dytë.
Në dalje
Veç remitancave hyrëse, pra ato çka dërgohen drejt Shqipërisë, janë edhe remitancat dalëse, dërgesa parash nga Shqipëria në drejtim të një vendi tjetër. Në vitin 2017 vlera e remitancave dalëse, dërgesa pa kundërshpërblim nga vendi ynë drejt një vendi tjetër, sipas Bankës Botërore shënoi vlerën 199 milionë dollarë.
Remitancat dalësi janë sa 14.3 për qind e remitancave hyrëse. Vendi kryesor që përfiton dërgesa nga Shqipëria është Serbia. Nga Shqipëria drejt Serbisë për vitin 2017 janë dërguar 84 milionë dollarë transferta pa kundërshpërblim. Kjo vlerë është sa 42.2 për qind të totalit të remitancave që kanë dalë nga Shqipëria. Në vendin e dytë vjen Kroacia me 32 milionë dollarë, ose 16 për qind të totalit dhe më pas Bosnja e Greqia përkatësisht me 15 dhe 12 për qind të totalit.
Sipas databazës së BB, në vitin 2017 kemi 76 milionë dollarë më shumë remitanca hyrëse në Shqipëri se në vitin 2016 dhe 14 milionë dollarë më shumë remitanca dalëse në vendet e tjera.
Viti 2018
Ndërkohë, emigrantët shqiptarë kanë sjellë në tre muajt e parë të këtij viti 147 milionë euro të ardhura pranë familjeve të tyre. Këtë herë janë të dhënat e Bankës së Shqipërisë, të cilat tregojnë se, krahasuar me të njëjtën periudhë të një viti më pare, ka pasur një rritje të ndjeshme të remitancave, me 8%, ose 12 milionë euro më shumë. Këto të ardhura përdoren kryesisht për blerje ushqimesh dhe veshje. Kukësi dhe Dibra janë dy qarqet ku familjet kanë si bazë të ardhurash remitancat.
Remitancat kanë një peshë kryesore në të ardhurat e familjeve sidomos në disa zona. Të dhënat tregojnë se Kukësi dhe Dibra janë qarqet ku remitancat zënë relativisht 15-19% të totalit të të ardhurave të familjeve. Qarku i Kukësit ka shkallën më të lartë të varfërisë në nivelin 22.5% dhe të ardhurat nga remitancat ndikojnë pozitivisht në reduktimin e varfërisë në këtë qark.
Studimi i Bankës së Shqipërisë nxjerr në pah gjithashtu se në Shqipëri, pjesa më e madhe e remitancave transferohet në rrugë joformale. Përdorimi i rrugëve bankare nga ana e emigrantëve, mbetet i kufizuar i ndikuar nga kostot e larta të transaksionit si dhe niveli i ulët i kulturës financiare, sidomos në zonat rurale.
Lajme të tjera
-
Në 3 muaj emigrantët sollën në Shqipëri 242 mln €! Qytetarët: Ata na mbajnë gjallë, ku i dilet ndryshe
11 Qershor, 15:50
-
Shtimi i emigrantëve po rrit fluksin e remitancave, BSH: Në vitin 2023 remitancat arritën në 929 mln euro, vlera më e lartë prej 2008-ës
25 Mars, 16:29
-
Emigrantët sollën 444 milionë euro! “Çunat e Londrës”, lumë parash drejt Shqipërisë
13 Shtator 2023, 16:57 -
Për herë të parë në historinë e Shqipërisë, rënie drastike e euros! Kursi bie poshtë nivelit të 113 lekëve
28 Dhjetor 2022, 13:30 -
Ulen me 38 mln euro remitancat për tremujorin e parë! Banka e Shqipërisë: Emigrantët sollën shumë para cash
13 Qershor 2022, 21:58
-
Dërgesat e emigrantëve arrijnë rekordin e 12 viteve! Shqiptarët jashtë shtetit sollën për familjarët 761 mln euro
27 Mars 2022, 15:32
-
Cikli i ri i emigracionit, remitancat arrijnë në nivelin më të lartë që nga 2009-a
11 Dhjetor 2021, 10:11 -
Rriten me 17 mln euro dërgesat e emigrantëve në janar-mars 2021! BSH: Remitancat në tremujorin e parë ishin 169 mln euro
11 Qershor 2021, 10:12
-
Rekord/ Në 3 muaj, tetor-dhjetor 2020, emigrantët sollën 203 mln euro
26 Mars 2021, 18:58
-
Edhe në kohë pandemie, emigrantët s’i braktisën familjet, sollën 673 mln euro në 2020-n
26 Mars 2021, 07:55 -
Pandemia ul remitancat e emigrantëve në nivelin më minimal të pesë viteve të fundit
6 Janar 2021, 08:03 -
Rriten të ardhurat nga emigrantët/ Banka e Shqipërisë: Pas rënies së thellë në karantinë dërgesat nivel rekord, 197 mln € euro në muajt Korrik-Shtator
11 Dhjetor 2020, 17:11
