Forcat e Mbrojtjes së Izraelit (IDF) kanë eliminuar Abu Hassin Ra'ghab, Komandantin e njësisë Nasser të lëvizjes shiite libaneze pro-iraniane Hezbollah.

Sipas mediave të huaja, njoftimi u bë nga Ministri Izraelit i Mbrojtjes, Israel Katz, i cituar nga faqja e internetit e lajmeve Ynet.

Ministri vizitoi sot Komandën Veriore të IDF-së, ku u informua mbi eliminimin e militantit të dyshuar, i cili ndodhi gjatë një sulmi ajror gjatë natës.

"Vendimi për të vepruar menjëherë për të mbrojtur vendbanimet është një vendim moralisht i saktë dhe operacional, si dhe një vendim që gjithashtu lejon vazhdimësinë; u jep vendbanimeve besimin se ajo që ka ndodhur nuk do të kthehet", deklaroi Katz.

Deklaratat e tij erdhën pasi IDF nisi një inkursion tokësor në Libanin jugor mbrëmjen e djeshme, me qëllimin e deklaruar për të "shtuar një shtresë tjetër mbrojtjeje" për banorët e Izraelit verior.


Lajmi kryesor:

Në pritje të fjalimit të Udhëheqësit të ri, njerëzit mbushin sheshin në Teheran! Irani: Vetëm vështirësitë ekonomike mund të sjellin përfundimin e luftës! NATO rrëzon raketën balistike iraniane mbi Turqi, Putin i ofron 'ndihmë' Europës