POP 5

Lajmet më të lexuara të 5 minutave të fundit

Sport

Empoli 'maja e ajsbergut', agjenti i Skriniar thyen heshtjen dhe shokon tifozët: Nuk do rinovojmë me Interin

Dy goditja të rënda ka marrë Interi të hënën. Empoli i ka shkaktuar një disfatë të dhimbshme në Seria A, ndërsa agjenti i Skriniar ka konfirmuar se mbrojtësi nuk do rinovojë kontratën. Ndërkohë sonte do luhet sfida më interesante e javës së 20 pasi Lazio pret në kryeqytet Milanin kampion në fuqi.

Empoli mund të ketë nxjerrë përfunimisht Interin nga gara për titull. Zikaltërit e Inzaghit janë shtangur në ‘Guisepe Meazza’, pasi janë mposhtur 0-1, duke marrë një goditje të rëndë atëherë kur pritej të ishte rivali i Napolit për ‘skudetton’ italiane.

Një nga episodet më vendimtare në këtë sfidë të Seria A ishte kartoni i dytë i verdhë për kapitenin Skriniar në minutën e 40, duke lënë zikaltërit me një lojtar më pak. Në pjesën e dytë miqtë gjetën golin trepikësh falë një kundërsulmi të shërbyer nga Bajrami dhe të finalizuar nga Baldanzi. Në fund përveç trishtimit nga rezultati tifozët morën edhe një goditje nga Skriniar, pasi agjenti i slovakut konfirmoi se kanë lajmëruar klubin se nuk do rinovojnë. Me shumë mundësi mbrojtësi do kalojë te Paris SG, ndërsa mbetet të caktohet nëse do ndodhë në janar apo në verë kur Interi rrezikon të humbasë me parametra zero.

Ndërkohë sonte për llogari të javës së 20 Lazio do presë në Olimpico Milanin, kampionët në fuqi të cilët po kalojnë një ngërç. Në rast se ‘djalli’ nuk ia del atëherë çështja e titullit mund të konsiderohet e mbyllur. Milanin vijon të ketë të padisnponueshëm portierin Maignan, Ibrahimovic dhe Florenzin, ndërsa Lazio duhet t’ia dalë pa Ciro Imobile-n.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01