Një nga tri projektet madhore të institucionit më të lartë të shkencave , Enciklopedia Shqiptare, ka tanimë një redaksi qendrore në bazë të një rregulloreje të akorduar midis Akademisë së Shkencave Shqiptare e asaj të Shkencave dhe Arteve të Kosovës. Në përbërje të saj, krahas një anëtari nga Maqedonia e Veriut, dy akademitë kanë nga 5 anëtarë, përfshirë dy krerët përkatës. Ndërkaq në vijim priten të shpallen edhe emrat e Redaksive Vendore (do ngrihen në Tiranë e Prishtinë me nga 7-9 anëtarë, drejtuesit do të jenë në listën e emrave të Redaksisë Qendrore) dhe atyre të Fushave. Akademikët Skënder Gjinushi dhe Mehmet Kraja, të cilët në një konferencë të përbashkët në Akademi shpjeguan sot vijueshmërinë e punës.
Përbërja e Redaksisë Qëndrore të Enciklopedisë Shqiptare:
Nga Akademia e Shkencave të Shqipërisë:
-Akademik Skënder Gjinushi
-Akademik Dhimitër Haxhimihali
-Akademik Marenglen Verli
-Akademik Shaban Sinani
-Prof.dr. Ajula Jubani
Nga Akademia e Shkencave dhe Arteve të Kosovës:
-Akademik Mehmet Kraja
-Akademik Rexhep Ismajli
-Akademik Nexhat Daci
-Akademik Jusf Bajraktari
-Akademil Rauf Dhomi
Nga Maqedonia e Veriut:
-Zgjidhet prof.dr. Valbona Toska dhe përfaqëson botën shqiptare në Maqedoninë e Veriut, Mal të ZI, në Luginën e Preshevës, të arbëreshëve dhe diasporës.
Enciklopedia Shqiptare është projekti më impenjues i Akademisë i ideuar me 10 vëllime. Vetëm për vitin 2021 qeveria shqiptare i akordoi 46,3 milionë lekë Akademisë së Shkencave, nga 100 milionë lekë në total, ku përfshihen edhe Fjalori i Shqipes dhe Historia e Shqiptarëve. Ndërsa për vitin 2022 nga 60 milionë për tri projektet, Enciklopedisë i takojnë afro 40 milionë. Në financimin e saj do të kontribuojnë dy qeveritë ajo e Kosovës dhe e Shqipërisë. Kostoja fillestare e parashikuar sipas akademikëve mund të shkojë deri në 4 milionë euro, por gjithccka varet nga ecuria e punës.
“Çdo vit dy qeveritë do të akordojnë një buxhet në bazë të kërkesës së palëve (ASSH DHE ASHAK)”, shprehet kreu i Akademisë së Shkencave Shqiptare Skënder Gjinushi.
Akademikët bëjnë me dije se tanimë kanë gati një platformë të përbashkët, ndërsa puna pritet të nisë vitin që vjen (janar 2023). Kohëzgjatja mund të shkojë, sipas tyre mbi 5 vjet. Dhe mund të përfshihen deri në një mijë hartues në të dyja vendet dhe 200 studiues në redaksitë përkatëse.
“Rëndësi mbi afatet ka cilësia, disa thonë mund të shkojë 5, të tjerë deri në 7 vjet në varësi të punës”, shpjegon më tej Gjinushi.
Hartimi i Enciklopedisë, zuri vend edhe në fjalën e kryeministrit Edi Rama gjatë 50-vjetorit të Kongresit të Drejtshkrimit. Ndonëse në krahasimin e tij, studiuesit e akademikët e sotëm, nuk kanë shkëlqimin e brezit të Eqerem Çabejt, Aleks Budës etj., duke reflektuar kështu besimin e zbehur tek shkenca sot.
“Besimi është i plotë dhe kjo duket nga veprat, edhe për mbështetjen gjatë Reformës, edhe për tri projektet e mëdha”, shprehet akademik Skënder Gjinushi.
Komente
Lajme të tjera
-
Hyn në fuqi ligji për legalizimin e kanabisit, për studentët e Mjekësisë dhe i Akademisë së Shkencave
21 Gusht 2023, 15:23 -
Gjinushit i mbaron sot mandati në krye të Akademisë së Shkencave, Zhupa denoncon: Piruetat e tij duan t'i japin mandatin e dytë antikushtetues
19 Korrik 2023, 10:41 -
Ditët e Akademisë
27 Maj 2021, 13:09
-
Akademia e Shkencave Shqipëri-Kosovë: COVID-i po rrezikon shkencën, kulturën dhe artin
17 Prill 2020, 18:36
Keta e ndriten me zhvillimin shkencor ne keto dhe lartesimin e figures komuniste, dhe tani do bejne edhe kete veper te madhe qe t'ja trashegojne brezave. Gjeja me e mire eshte qe mund te bejne eshte te dalin ne pension dhe kete pune ta bejne njerez profesionist te pa infektuar nga korrupsioni i 30 viteve te fundit dhe indoktrinimi komunist.
Përgjigju