POP 5

Lajmet më të lexuara të 5 minutave të fundit

Kronikë

Lushnjë/ Babai denoncon humbjen pa gjurmë të djalit në kufirin gjermano-zviceran: S’kam kontakte prej një jave, kishte 2 muaj që jetonte atje! (EMRI)

Policia e Lushnjës njofton se të dielën e 25 Gushtit, 50-vjeçari kërkoi ndihmën e tyre për të arritur kontaktin me të birin, pasi nuk po e kontaktonte dot. Nisin hetimet me homologët për lokalizimin

Lushnjë/ Babai denoncon humbjen pa gjurmë të djalit në kufirin gjermano-zviceran: S’kam kontakte prej një jave, kishte 2 muaj që jetonte atje! (EMRI)

Lushnjë- Babai denoncon humbjen e djalit të tij 24-vjeçar, që jetonte prej tetë javësh si emigrant mes Gjermanisë dhe Zvicrës.

Lajmi u konfirmua edhe nga burime zyrtare në Komisariatin e Policisë së Lushnjës, kurse i riu i humbur është identifikuar si Klaudio Çekrezi, banues në këtë qytet.

Denoncimi është depozituar prej datës 25 Gusht (e diel), por u njoftua vetëm sot nga zyrtarët e policisë vendore.

“Në Komisariatin e Policisë Lushnjë është paraqitur shtetasi L. Ç., 50 vjeç, i cili kallëzon se prej një jave ka humbur kontaktet me djalin e tij, shtetasin K. Ç., (Klaudio Çekrezi) 24 vjeç”, thuhet në njoftimin zyrtar.

Mësohet se i riu prej 2 muajsh jetonte në një zonë kufitare midis Gjermanisë dhe Zvicrës, por nuk jepen detaje më të hollësishme, pasi çështja është nën hetim. 50-vjeçari ka kërkuar ndihmën e autoriteteve shqiptare për gjetjen e tij.

“Po bashkëpunohet me partnerët, për gjetjen e 24-vjeçarit”, thekson policia.

Sipas procedurave njoftohet Policia e Shtetit dhe Interpol Tirana, teksa nëpërmjet ambasadës dhe homologëve në të dy vendet, nisin verifikimet për lokalizimin dhe gjetjen e të riut.

Hetimet janë ende aktive dhe nuk dihen arsyet e humbjes së kontakteve apo nëse 24-vjeçari ka pasur ndonjë konflikt të mundshëm brenda dhe jashtë vendit.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Diplomacia, a ka ndryshuar imazhi i Shqipërisë në arenën ndërkombëtare?

Lajme të tjera



×

Lajmi i fundit

Ukraina i kthehet Rusisë, nis dhe pushtimin e Belgorodit, guvernatori: Forcat ukrainase po përpiqen të kalojnë kufirin

Ukraina i kthehet Rusisë, nis dhe pushtimin e Belgorodit, guvernatori: Forcat ukrainase po përpiqen të kalojnë kufirin

27 Gusht, 14:07