EMRI/ Hiqej si investitore, i mori 20 mln lekë personave të ndryshëm, arrestohet 49-vjeçarja mashtruese në Tiranë

Policia e Tiranës ka vënë në pranga pas një hetimi disa mujore një 49 -vjeçare, e cila mashtronte me qëllime përfitimi persona të ndryshëm.

Uniformat blu të Kryeqytetit kanë njoftuar se kanë arrestuar Adelina Haxhirajn, e cila hiqej si investitore dhe i merrte shuma të konsiderueshme shtetasve të ndryshëm.

"Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Tiranë, nisur nga kallëzimet e bëra nga disa qytetarë të ndryshëm për një shtetase e cila hiqej si investitore duke iu marrë shuma të konsiderushme parash shtetasve të ndryshëm duke ju premtuar klering/ ndërrim apartamente, njësi shërbimi, ka organizuar dhe finalizuar operacionin policor të koduar “Investitori”, si rezultat i të cilit u ndalua shtetasja:

Kjo shtetase në rolin e investitores iu ka marrë shuma të konsiderushme rreth 200 milion lekë të vjetra shtetasve të ndryshëm duke iu premtuar si klering/ndërrim apartamente, njësi shërbimi, hekur në funksion të ndërtimeve të pallateve apo pajisje me kabina elektrike të tensionit të lartë në funksion të pallateve", thuhet ndër të tjera në njoftimin e Policisë së Tiranës.

 

K.T./Shqiptarja.com

TAG:
• mashtrim
• policia e tiranes
• prokuroria e tiranes
• Adelina Haxhiraj