EMRI/ U kap me 52 kg kanabis në makinë, arrestohet 45-vjeçari në Korçë! Do ta trafikonte në Greqi për 500 euro/kg

Një 45-vjeçar është vënë në pranga nga Policia Korçë, pasi këta të fundit i gjetën në makinën e tij 52.6 kg kanabis, të cilin do ta trafikonte në Greqi, kundrejt fitimit 500 euro/kg.

Në kuadër të operacionit "Restart 16", u arrestua Klodian Kllomollari.

I arrestuari u lokalizua në fshatin Vërdovë, ku  gjatë kontrollit të ushtruar në automjetin e tij tip "Benz", të cilin e kishte parkuar në oborrin e banesës, u gjetën 2 qese me 52.6 kg lëndë të dyshuar narkotike kanabis në total. 

Nga veprimet hetimore rezultoi se 45-vjeçari e kishte siguruar lëndën narkotike nga shtetas të tjerë dhe më pas do ta trafikonte me automjetin e tij, në drejtim të Maqedonisë së Veriut, me destinacion final shtetin grek, kundrejt fitimit 500 euro/kg.  

Në cilësinë e provës materiale u sekuestruan lënda narkotike, automjeti dhe një aparat celular. 

Në bashkëpunim me Prokurorinë, po vijojnë hetimet për dokumentimin e plotë të këtij rasti dhe për vënien përpara përgjegjësisë ligjore të shtetasve të tjerë të implikuar në këtë veprimtari kriminale. 

M.T/Shqiptarja.com

TAG:
• Klodian Kllomollari
• kanabis
• Korce