POP 5

Lajmet më të lexuara të 5 minutave të fundit

Ekonomi

Ende larg, Shqipëria në vendin e
102 për shpejtësinë e internetit

Vlera e informacionit varet nga shpejtësia, me të cilin ai përcillet.
TIRANE- Vlera e informacionit varet nga shpejtësia, me të cilin ai përcillet. Në epokën e informacionit shpejtësia e internetit është e lidhur ngushtë me përcjelljen e informacioneve. Kohët e fundit, kompania e internetit “Ookla”, përditësoi renditjen botërore të shkarkimit të informacionit me anë të internetit, në bazë të miliona testeve të kryera.

Vendi me internetin më të shpejtë në botë është Hong Kong-u, Shpejtësia e internetit këtu arrin deri në 71.01 Mbps (Megabit/sekond). Ndërkaq, të dhënat më të çuditshme vijnë nga rajoni ballkanik. Rumania është vendi i tretë në botë që ka shërbimin më të shpejtë të internetit, me 51.4 Mbps. Ndërkohë, në vend të dytë është Singapori me një shpejtësi interneti prej 52.94 Mbps.

Po ku renditet Shqipëria, të cilën ish-kryeministri Berisha e “pagëzoi” si dixhitale? Nëse do të të shohim të dhënat, nga 186 vende të renditura në këtë studim, Shqipëria radhitet në vendin 102. Në një këndvështrim tjetër, Shqipëria ka internetin më të ngadaltë në të gjithë rajonin ballkanik, me një shpejtësi mesatare prej 5.94 Mbps.

Ndërkaq, nëse do të shikojmë si është shpejtësia e internetit në qytete të ndryshme të Shqipërisë, Tirana ka zonat me shpejtësinë më të madhe të internetit në mbarë Shqipërinë, 6.34 Mbps. Ndërkohë në qytetet e Shkodrës dhe Vlorës, sipas statistikave, shpejtësia e internetit është mesatarisht 20% më e vogël se në Tiranë.
 
Shkrimi u publikua sot (01.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46