POP 5

Lajmet më të lexuara të 5 minutave të fundit

Sociale

Ëndrra e disave, makth i shumë të tjerëve! 'Meta' mund të mbyllë Facebook dhe Instagram në Europë

Paralajmërimi vjen për shkak të rregullave europiane që ndalojnë kompaninë mëmë 'Meta' që të transferojë, ruajë dhe përpunojë të dhënat e përdoruesve europiane në servera që ndodhen në SHBA.

Ëndrra e disave, makth i shumë të tjerëve! 'Meta' mund të mbyllë Facebook dhe Instagram në Europë

Mark Zuckerberg

Facebook dhe Instagram mund të mbyllen në Europë. Skenar pothuajse surreal, ëndrra e disave, makthi i shumë të tjerëve, zhdukja e rrjeteve sociale më popullorë të planetit nga tregu europian shikohet si një shantazh ekstrem i Mark Zuckerberg në betejën e të dhënave mes Europës dhe Shteteve të Bashkuara të Amerikës.

Paralajmërimi vjen për shkak të rregullave europiane që ndalojnë kompaninë mëmë Meta që të transferojë, ruajë dhe përpunojë të dhënat e përdoruesve europiane në servera që ndodhen në SHBA.

Në një raport vjetor, kompania që drejton Facebook thotë se nëse nuk do të ketë ligj të ri, nuk do të përdorë më modelin aktual dhe për pasojë do të largohet nga kontinenti. Sipas 'Meta', përpunimi i të dhënave të përdoruesve mes vendeve është kyçe për bizneset dhe reklamat.

“Nëse nuk do të na lejohet që të transferojmë të dhëna mes vendeve dhe rajoneve, ku ne veprojmë, do të ndikojë në shërbimet që ne ofrojmë”, thuhet në deklaratë.

'Meta' mendon se mund të arrijë një marrëveshje të re këtë vit, ndërsa në rast të kundërt nuk do të jetë në gjendje të ofrojë një numër shërbimesh, përfshirë Facebook dhe Instagram në Europë.

Në korrik 2020, Gjykata Europiane e Drejtësisë anuloi traktatin me SHBA për shkak të shkeljeve në mbrojtjen e të dhënave. Si rezultat, kompanive amerikane u ndalohet që të dërgojnë të dhëna të përdoruesve evropianë në SHBA. BE dhe SHBA thonë se po punojnë për një marrëveshje të re ose përmirësimin e traktatit aktual.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Londra: 07/02/2022 22:11

    I terbuan njerzit,mbase mbyllen e nuk hapen me,te fillojne njerezit te bisedojne perseri mes tyre

    Përgjigju
  • Londra: 07/02/2022 22:09

    Do zoti ti mbylli,se u cmenden njerezit

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce