POP 5

Lajmet më të lexuara të 5 minutave të fundit

Kronikë

Energjia, Bashkimi Europian
premton ndihmë për CEZ-in

Ministri i Energjisë dhe Industrisë Z.Damian Gjiknuri zhvilloi një takim me Drejtorin e Komunitetit të Energjisë Z.Janez Kopac dhe me zv/drejtorin Dirk Buschle.
Energjia, Bashkimi Europian<br />premton ndihmë për CEZ-in
TIRANE- Ministri i Energjisë dhe Industrisë Z.Damian Gjiknuri zhvilloi një takim me Drejtorin e Komunitetit të Energjisë Z.Janez Kopac dhe me zv/drejtorin Dirk Buschle. Gjatë takimit u theksua roli unik që Komuniteti ka në procesin e zbatimit të reformës legjislative dhe strukturore në sektorin e energjisë. Afati i fundit 1 janar 2015 shtron nevojën urgjente për bashkëpunim në zbatimin e paketës së tretë të energjisë. Përfaqësuesit e Komunitetit deklaruan se performanca në implementimin e “Acuis” në fushën e eficencës së energjisë, energjive të rinovueshme, naftës dhe gazit në vitet e fundit është nga më të dobëtat në rajon. Sipas Sekretariatit, Shqipëria nuk ka bërë asnjë progres në përshtatjen dhe zbatimin e “Acquis” dhe se duhet që të ndërhyhet në një kohë sa më të shpejtë.

Ministri Gjiknuri e konsideroi energjinë tanimë një prioritet të padiskutueshëm të qeverisë dhe u angazhua për përmbushjen në një kohë sa më të afërt të të gjitha detyrimeve që kërkohen në raportet e Komunitetit të Energjisë. Ministri nënvizoi edhe faktin se tanimë në strukturën e Ministrisë i është kushtuar rëndësi edhe politikave për energjinë e rinovueshme dhe eficencës së energjisë ashtu sikurse krijimi i një sektori të veçantë për gazin. Në kuadër të diskutimit për problematikat e sektorit, Komuniteti i Energjisë sugjeron ndër të tjera rishikimin tarifës për bllokun e parë të konsumatorëve duke përcaktuar edhe më qartë shtresat vulnerabël.

Sekretariati i Komunitetit të Energjisë shprehu vullnetin për të asistuar palët për të arritur një marrëveshje në konfliktin me CEZ-in, duke theksuar se zgjatja e konfliktit sjell pasoja financiare që reflektohen në të gjithë sektorin e energjisë elektrike duke shtuar zinxhirin e borxheve ndërmjet pjesëtarëve të tregut dhe mungesën e investimeve në sektor. Gjatë vizitës dy ditore, delegacioni i Komunitetit, zhvilloi takime me Kryeministrin Edi Rama dhe deputetët e Komisionit Parlamentar për Veprimtarinë Prodhuese.
 
Shkrimi u publikua sot (21.11.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04