POP 5

Lajmet më të lexuara të 5 minutave të fundit

Ekonomi

Energjia, bie kunsumi për vitin
2012, rriten humbjet në rrjet

Gjatë vitit të kaluar është prodhuar gati e njejta sasi e energjisë elektrike sa në 2011-ën. Ndërkohë, humbjet në rrjet janë rritur 50 për qind, duke qenë sa 76 për qind e prodhimit vendas.
Energjia, bie kunsumi për vitin<br />2012, rriten humbjet në rrjet
TIRANE - Shifra e humbjeve të energjisë elektrike në vend ka marrë përmasa skandaloze vitin e kaluar. Ndërkohë që janë prodhuar në vend 4.29 miliardë kilovatorë, 3.1 miliardë kilovatorë konsiderohen të humbur. Humbjet në shpërndarje përfshijnë si atë çka humbet si pasojë e difekteve teknike të rrjetit, ashtu edhe atë energji që nuk paguhet, por vidhet.

Me këtë shifër, që e jep zyrtarisht INSTAT-i, del se 76 për qind e asaj që prodhohet në vend, shkon dëm, raport ky jashtëzakonisht i lartë, që vështirë se ekziston në vend tjetër.
Nga ana tjetër, një fenomen që tërheq vëmendjen në raportin e bilancit të energjisë elektrike për vitin 2012, është edhe ai i përdorimit.

Sipas Institutit të Statistikave, në rast se në vitin 2011 konsumi total në vend ka qenë 5 miliardë kilovatorë, vjet kjo shifër qendroi në vetëm 4.4 miliardë, me ulje të ndjeshme prej mbi 13 përqindësh, madje familjarët kanë konsumuar 16 për qind më pak.

Në total, sipas INSTAT-it, prodhimi në vitin 2012 u rrit me 5.8 për qind, krahasuar me vitin 2011. Prodhimi i energjisë nga impiantet private e ato me koncension, që përfaqëson tani 5.6 për qind të prodhimit në vend, pati një rritje me 76.0 për qind krahasuar me vitin 2011.

Importi (përfshirë këmbimet) i energjisë elektrike pati një rritje prej 5.9 përqindësh krahasuar me vitin 2011.
 
Humbjet në rrjet janë rritur me 49.1 përqind në krahasim me vitin 2011. Humbjet në shpërndarje janë rritur me 53.6 përqind në krahasim me vitin 2011. Ato vazhdojnë të zënë pjesën më të rëndësishme të humbjeve në rrjet me 94.8 për qind. Kjo shënon një rritje të ndjeshme në krahasim me vitin 2011, kur humbjet në rrjet ishin rreth 28% të totalit.

Shtimi i humbjeve në rrjet u paraqit si një nga arsyet kryesore që e shtynë qeverinë që të hiqte licencën e operatorit çek të shpërndarjes, CEZ, në janar të vitit 2013 dhe të marrë vetë administrimin e kompanisë, ndërkohë që dy palët pritet që të takohen në gjyqin e Arbitrazhit, duke akuzuar njera-tjetrën për qindra miliona euro dëm.

Përdorimi nga konsumatorët në vitin 2012 është ulur me 13.3 për qind krahasuar me vitin 2011.

Shkrimi u botua në gazetën Shqiptarja.com (print) 23.03.2103

Redaksia Online
(b.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Netanyahu do t'i paraqesë kabinetit marrëveshjen e armëpushimit në Liban! Zotohet për shkatërrimin e Hamas

Netanyahu do t'i paraqesë kabinetit marrëveshjen e armëpushimit në Liban! Zotohet për shkatërrimin e Hamas

26 Nëntor, 19:17