POP 5

Lajmet më të lexuara të 5 minutave të fundit

Ekonomi

Energjia, INSTAT: Këtë 6-mujor
90% më shumë se vitin e kalua

Sipas Instat, në 6-mujorin e parë të këtij viti prodhimi i energjisë rezulton të jetë rritur me afro 90% kundrejt të njëjtës periudhë të një viti më parë, duke arritur sasinë 3959 GWh. 
Energjia, INSTAT: Këtë 6-mujor<br />90% më shumë se vitin e kalua
TIRANË - Humbjet e energjisë në rrjet në 6 muajt e parë të këtij viti pësuan ulje, duke rënë në 35% nga 49% që ishin në të njëjtën periudhë të vitit të kaluar, sipas INSTAT.

Edhe pse ky tregues është ende në nivele të larta, vendosja nën administrim e kompanisë së shpërndarjes së energjisë duket se ka dhënë ndikim.

Por sipas krahasimeve, treguesi i humbjeve në rrjet ngelet në nivele më të larta nga koha kur kompania ishte shtetërore dhe para privatizimit të rrjetit të shpërndarjes në vitin 2008. 

Këtë vit, në këtë 6-mujor ka pasur bilanc më të mirë të energjisë elektrike, falë situatës më të mirë hidrike, ç'ka ka mundësuar prodhim më të lartë të energjisë në vend dhe ulje të importeve, transmeton ATSh. 

Prodhimi i energjisë rezulton të jetë rritur me afro 90% kundrejt të njëjtës periudhë të një viti më parë, duke arritur në sasinë prej 3959 GWh. 

Importi i energjisë u ul me 35% ndaj vitit të kaluar dhe me sasinë pa futur shkëmbimet e energjisë në 171 GWh. Sivjet importi ka mbuluar vetëm 3.4% të sasisë së energjisë së hedhur në rrjet. Prodhimi i lartë ka favorizuar rritjen e eksporteve të energjisë me 3 herë më shumë, krahasuar me vitin e kaluar. 

Edhe HEC-et private dhe koncesionare rritën prodhimin në gjysmën e parë të vitit me rreth 50%, duke prodhuar 236 GWh energji, ose 4.7% të energjisë së prodhuar në vend. 

Redaksia Online
(mag/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën

Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën

27 Nëntor, 21:15