‘Eni Vasili, një gazetare e mjerë që e përdori Xhiselën, edhe pse iu lut të mos e transmetonte intervistën’

Eni Vasili dhe Blendi Fevziu, janë futur mbrëmjen e së hënës në një garë të ethshme për audiencë, duke përdorur një viktimë. E kanë bërë pa pikë dhembshurie, madje rasti i Eni Vasili është edhe më i rëndë, pasi siç tregoi edhe vajza, ajo i kishte kërkuar që ajo intervistë të mos transmetohej.

Vasili jo vetëm që e transmetoi, por më pas i bëri edhe gjyqin publik, bashkë me nja dy femra të tjera që kishte ftuar në emision. Aktivistja Dilfirus Vrioni ka reaguar e revoltuar me këtë gjest, dhe shkruan: “Eni Vasili i tha disa herë vajzës në intervistë, se ajo ishte aktiviste dhe mund ta ndihmonte, se kishte shkruar libra për gratë e dhunuara. “Si do ti që të të ndihmoj unë”, i drejtohej Vasili, Malokut?

Por ama kur vajza e kishte telefonuar gjithë ditën dhe i kishte thënë të mos e transmetonte intervistën, Vasili nuk e kishte dëgjuar. Sepse Vasili, dhe jo vetëm, është një njeri i mjerë i këtij vendi, që me Xhiselën apo raste të tjerë të mjerë, fitojnë ca para më shumë. Blajne një bluzë pak më të shtrenjtë, një trajtim për fytyrën më shumë, një botox më tepër.

Pastaj Eni Vasili nuk e kupton që aktiviste nuk të bën se ke marrë intervistat e grave që kanë vrarë. Aktiviste të bën jeta e çdo dite dhe është e dukshme që gazetarët e “elitës” në Shqipëri, janë shumë larg. Por, nuk po pretendojmë të jenë aktiviste, më së paku të jenë gazetarë”, shkruan ajo. (TemA)

TAG:
• xhisiela maloku
• Dosja rraja
• Eni Vasili