Gara për zgjedhjen e drejtorit të ri të Radio Televizionit Shqiptar u mbulua nga akuzat për paligjshmëri, pasi Këshilli Drejtues vendosi të hënën me shumicë votash që të skualifikojë 3 nga 5 kandidatët me pretendimin se nuk plotësojnë kriteret për kualifikim. Pesë kandidatë të tjerë ishin skualifikuar më parë për mangësi në dosjet e aplikimit.
Gjatë votimit të së hënës u skualifikuan nga gara kandidatët Eni Vasili, Kliton Rama dhe Ermal Hoxha, duke thirrur në dëgjesë vetëm dy kandidatë; Jetmir Shpuzën dhe Aurora Polon, kjo e fundit drejtore e komanduar e RTSH-së pas dorëheqjes së Alfred Pezës.
Kryetari i Këshillit Drejtues, Leka Bungo e denoncoi vendimin si të paligjshëm dhe paralajmëroi ankimin e tij në organet e drejtësisë.
“Ishte një vendim i paligjshëm,” tha Bungo për BIRN.
“Janë shkelur kriteret e përcaktuara në ligj, duke skualifikuar nga gara gazetarë dhe duke lënë në garë një kandidate si Aurora Polo, e cila është inxhiniere me profesion,” shtoi ai.
Sipas Bungos, ngërçi i krijuar mund të zgjidhet vetëm me ‘shkrirjen e këshillit drejtues të RTSH-së’.
Akuza ndaj këtij vendimi erdhën të martën edhe nga përfaqësues të mazhorancës dhe opozitës nga Komisioni Parlamentar për Edukimin dhe Mjetet e Informimit Publik, organ ku përzgjidhen anëtarët e Këshillit Drejtues të RTSH-së.
“Këshilli Drejtues shpik rregulla që nuk ekzistojnë, skualifikon 8 kandidatë që plotësojnë çdo kriter ligjor duke shkelur ligjin,” deklaroi përmes një statusi në Facebook deputetja e PD-së, Ina Zhupa, e cila e drejton këtë komision.
Në një reagim publik të martën, ajo e cilësoi skualifikimin nga gara të kandidatëve një “çmenduri” dhe akuzoi anëtarët e KD për tejkalim të kompetencave ligjore.
Akuzat e Zhupës i mbështeti dhe nënkryetarja socialiste e komisionit, Evis Kushi, e cila në një reagim në Facebook tha se “nuk i heq dot asnjë presje reagimit të saj” dhe paralajmëroi ndërhyrjen e Kuvendit në proces.
“I bëj thirrje Këshillit Drejtues të kthejë menjëherë situatën në normalitet dhe të lejojë garën e hapur, transparente e meritokratike. E kundërta do të ishte vetëasgjësim i Këshillit dhe Parlamenti do të detyrohej të ndërhynte në mbrojtje të lirisë dhe të drejtës së garës, duke marrë masa drastike që ne nuk i dëshirojmë,” shkroi Kushi.
Edhe drejtori i mëparshëm i RTSH-së, Alfred Peza kaloi një proces përzgjedhjeje të kontestuar, pasi kishte një karrierë të politike pranë Partisë Socialiste. Peza dha dorëheqjen nga detyra në qershor të vitit që shkoi, ndërsa po përballej me kritika për shkarkime masive nga puna të gazetarëve dhe punonjësve të këtij institucioni gjatë një viti që mbajti detyrën.
Transmetuesi publik është në teori një institucion politikisht i pavarur, por bordi drejtues zgjidhet nga parlamenti, ndërsa drejtori ekzekutiv zgjidhet nga bordi. Anëtarët e bordit aktual janë zgjedhur kryesisht nga votat e Partisë Socialiste./Reporter.al
Komente
Lajme të tjera
-
'SafeJournalists': Shqetësime për procesin e përzgjedhjes së Drejtorit të Përgjithshëm të RTSH-së! Mungon transparenca, Kuvendi të kërkojë shpjegime
28 Janar, 16:15 -
PD e PS bashkë për garën e drejtorit të RTSH! Zhupa: U skualifikuan kandidatët që plotësojnë kriteret! Kushi: Ktheni normalitetin, ose Kuvendi merr masa drastike
28 Janar, 10:45 -
RTSH hoqi kryeredaktorin e lajmeve, Olsjan Laskaj! Shoqata e Gazetarëve Europianë: Vendim i paprecedentë, të bëhet transparencë
27 Janar, 19:46 -
Votimi për Drejtorin e RTSH i pavlefshëm dhe i paligjshëm, ja dy shkeljet e Këshillit Drejtues
27 Janar, 18:55 -
Këshilli Drejtues i RTSH: 2 kandidatët që vazhdojnë garën për drejtor, ja kush u skualifikua
27 Janar, 17:46 -
RTSH heq kryeredaktorin e lajmeve, Olsjan Laskaj! Reagon Asociacioni i Gazetarëve Shqiptarë: Në kundërshtim me ligjin, rishikoni vendimin
25 Janar, 13:24 -
EMRAT/ Ja 10 kandidatët për drejtor të Përgjithshëm në RTSH
23 Janar, 17:15 -
Ka lënë Agjencinë e Turizmit për drejtimin e Radio-Televizionit Publik Shqiptar? Zana Çela sqaron: Ja si është e vërteta!
17 Janar, 12:30 -
Festivali në RTSH, Stresi: Dallaverxhi deri në rrënjë, e di çfarë luhet aty
23 Dhjetor 2024, 14:34 -
Nis Fest 63, 15 këngëtarët që kënduan në natën e parë! Juria që do përzgjedhë finalistët
19 Dhjetor 2024, 23:05 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor 2024, 21:22 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor 2024, 18:12
