POP 5

Lajmet më të lexuara të 5 minutave të fundit

Media

Enkeleida Zeko:“E urrej varfërinë!
Frika më e madhe? Plakja”

Enkeleida Zekon e takojmë në zyrën e saj. Kësaj here të veshur sportive dhe pa make-up. Është duke biseduar më një kolegun e saj dhe me një buzëqeshje na fton të ulemi. Pyetjet tona e habisin paksa, kjo duket në fytyrën e saj. Është mësuar ta kontaktojnë kur ka evente sportive dhe intervista është për sportin. “Ndërsa këto pyetjet qenkan ndryshe”, -thotë ajo. Gazetaren sportive të TVSH-së e kemi zgjedhur këtë të dielë për “Pyetësorin e Fundjavës”. (Marrë nga gazeta "Shekulli")
Enkeleida Zekon e takojmë në zyrën e saj. Kësaj here të veshur sportive dhe pa make-up. Është duke biseduar më një kolegun e saj dhe me një buzëqeshje na fton të ulemi. Pyetjet tona e habisin paksa, kjo duket në fytyrën e saj. Është mësuar ta kontaktojnë kur ka evente sportive dhe intervista është për sportin. “Ndërsa këto pyetjet qenkan ndryshe”, -thotë ajo. Gazetaren sportive të TVSH-së e kemi zgjedhur këtë të dielë për “Pyetësorin e Fundjavës”.

Cili është mendimi i parë në mëngjes kur zgjohesh?

Obobo jam vonë!

Tipari kryesor që i konstatoni karakterit tuaj?

Thjeshtësia.

Defekti juaj kryesor?

Ndonjëherë bëhem nervoze edhe pa shkak.

Kë konsideroni si suksesin tuaj më të madh?

13 vitet në gazetarinë sportive

Ndaj cilave gabime jeni më tolerante?

Ndaj gabimeve të shoqërisë së afërt. Bëj sikur nuk kuptoj

Hera e fundit që u përlotët?

Më ndodh shpesh

Hera e fundit që keni qeshur me shpirt?

Dje. Me motrën

Cilat personalitete historike pëlqeni më shumë?

Ismail Qemalin

Udhëtimi juaj i preferuar?

Nisja me pushime. Kudo qoftë

Shkrimtari më i dashur?

Umberto Eco.

Çfarë vlerëson më shumë tek një burrë?

Përkushtimin.

Tek një grua?

Korrektësinë.

Aktori juaj i preferuar?

Bruce Willis dhe Johnny Deep

Filmi që ju la mbresë të thellë?

“Pride and projudice” - një film i vjetër anglez.

Ngjyra juaj e preferuar?

Jeshile.

Pija juaj e preferuar?

Pijet energjike

Çfarë është ajo për të cilën pendoheni më shumë?

Nuk jam natyrë që pendohem

Çfarë urreni më shumë në këtë botë?

Varfërinë dhe padrejtësinë

Frika juaj më e madhe?

Që një ditë do të plakem. (qesh)

Në cilat raste zgjidhni të thoni gënjeshtra?

Kur di që personi mund të lëndohet shumë nga e vërteta

Keni dhënë ndonjëherë ryshfet?

Jo, asnjëherë.

Ka një moto Enkelejda?

Të bëj atë që di të bëj më mirë dhe ta bëj më mirë se të tjerët

Si do të dëshironit të vdisnit?

Në gjumë.

Po të ndodhte të takonit Zotin, çfarë do t’i thoshit?

Do ta nisja duke i kërkuar lumturi për familjen time

Në çfarë gjendje shpirtërore gjendeni kohët e fundit?

Aaaa... Me dilema.

Sporti, gazetari meshkujsh?

Gazetarja simpatike e ekranit publik nuk ndihet keq në një fushë ku dominojnë përgjithësisht gazetarët meshkuj. “Realisht ndihem shumë mirë. Nuk ndihem e privilegjuar aspak, ndihem e barabartë”. Çfarë duhet të
ketë një femër që të jetë e suksesshme si gazetare sportive? Sipas Enkeledës: “duhet të ketë dashuri për sportin në radhë të parë”.

Njeriu më i afërt, motra

Pushimet e Enkeleidës këtë vit kanë qenë të gjata. “Një muaj pushova me të dashurin dhe me familjen time, - tregon ajo, - ishim në jug të Shqipërisë, një tur i vogël. Pjesën më të madhe të kohës e kalova me motrën. Unë e dua shumë notin, gjimnastikën dhe aerobinë”.

“Unë dhe AI, det dhe trëndafila”

Në familjen e Enkelejdës gatuan mami. “Unë në kuzhinë? Rrallë. Di vetëm të gatuaj makaronat me salca të ndryshme” – thotë ajo. I pëlqen kuzhina italiane dhe të gjitha llojet e gatimit të peshkut, deri në atë masë sa vakti ideal për miken tonë të kësaj fundjave është një darkë surprizë ose në breg të detit ose afër një pishine, e zbukuruar me petale trëndafili, me qirinj... “Unë dhe AI duke e shijuar këtë darkë me një verë të bardhë” – thotë ajo

(Marrë nga Shekulli)

(xh.k/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

16 Janar, 20:45 nga Eliza Gjediku