Enver Hoxha:Synimi i Mehmetit 
dhe Kadriut, të më vrisnin mua

TIRANE-  Nuk mund të publikojmë asgjë për gjyqin e dytë të grupit armiqësor. Gjyqi u mbajt me dyer të mbyllura pasi janë trajtuar aty shumë sekrete ushtarake dhe të Sigurimit të Shtetit. Ndaj  nuk mund të publikojmë në televizion asnjë informacion nga ky gjyq. Në këtë përfundim mbërrijnë Enver Hoxha, Ramiz Alia, Hekuran Isai, Simon Stefani, etj, gjatë mbledhjes së sekretarëve të Komitetit Qëndror të 5 shtatorit 1983. Po atë ditë Gjykata e Lartë sapo kishte shpallur vendimin e dënimit me vdekje të Kadri Hazbiut, Feçorr Shehut e Llambi Peçinit dhe kurioziteti në popull për këtë gjyq ishte i madh.

Ndërsa diskutojnë variantin e publikimit të materialeve gjyqësore, Hoxha thotë se populli do të thotë si mundi të funksionte ky grup, ku ishte vigjilenca? Ai thekson pak më tej se në këtë rast zbulimi ishte i vështirë pasi ata ishin njerëz të veshur me pushtet. Ndërsa kishin edhe shumë kujdes që të mos zbuloheshin derisa të arrinin synimin e tyre, që sipas Hoxhës ishte i qartë eleminimi fizik i Enver Hoxhës.
Më poshtë po sjellim pikërisht këtë pjesë të procesverbalit ku diskutohet rreth konspiracionit që duhet ruajtur dhe arsyeve pse u zhvillua me dyer të mbyllura gjyqi ndaj Kadri Hazbiut.  
 
(Vijon nga dje....) Lexoni këtu artikullin e djeshëm