Enveri për Nolin: SHBA e OKB nuk
mund të na vënë kushte për traktatet

Në letërkëmbimin mes Fan Nolit dhe Enver Hoxhës gjejnë një vend të veçantë  tre mesazhe që Hoxha ia dërgon Nolit nga Tirana në prill të 1946. I revoltuar që OKB nuk e pranon anëtarësinë e Shqipërisë,  duke i nxjerrë si kusht çështjen e traktateve me SHBA-në, por më shumë i nxehur nga qëndrimet e shtypit dhe disa personaliteteve amerikanë për çështjen e vorio-epirit, Enver Hoxha i shkruan Nolit se nuk do të heqë dorë, madje nëse do të jetë nevoja për të luftuar fashistët e rinj greke, shqiptarët do të luftojnë deri tek i fundit për pavarësinë e vendit.

Hoxha mundohet ti shpjegojë Nolit se çështja e traktateve kushtëzohet nga vendimet e Kongresit të Përmetit. “Vendimet e Kongresit të Përmetit, të bazuara në principin e vetëvendosjes, na urdhërojnë prishjen e të gjitha traktateve të konkluduara me shtetet e huaja nga qeveritë e mëparshme antipopullore dhe nënshkrimin e traktateve të reja në interesin e kombit tonë”, shkruan Hoxha, duke theksuar më tej se ai është i hapur ti rishikojnë këtë traktate pasi SHBA ta njohë qeverinë e drejtuar prej tij.

Më poshtë i sjellim të plota tre mesazhet e Enver Hoxhës dërguar Fan Nolit ndërsa nesër do të sjellim përgjigjen e Nolit për Hoxhën.