'Epoka e futbollistëve simbol në një klub ka përfunduar', Javier Zanetti: Guardiola më i miri në botë

Guardiola trajneri më i mirë i sezonit, pastaj Ancelotti dhe Luciano Spalletti. Javier Zanetti bën një bilanc të sezonit futbollistik që sapo ka përfunduar dhe merkaton e parë të transferimeve. Sa i përket trajnerëve, legjenda e Interit kurorëzon Guardiolën "i cili arriti të fitojë tripletën, pavarësisht një finale të Ligës së Kampionëve në të cilën Simone Inzaghi ishte shumë i mirë". Në pozicionin e dytë “do të thosha Carlo Ancelotti, gjithmonë shumë i mençur dhe i qetë, pastaj Spalletti për atë që bëri me Napolin”, vazhdoi Zanetti në mikrofonat e Planetwin365.

Duke kaluar në tregun e transfertave, Zanetti reflekton për fundin e epokës së lojtarëve si ai që kanë bërë historinë e një skuadre: "Tifozët që e duan futbollin na kujtojnë, por tani kohët kanë ndryshuar dhe ne duhet të përshtatemi. Tregu është shumë i ndryshëm nga ai që ishte më parë, nuk është dicka e keqe apo e mirë, por është e vërtetë, shumë nga të rinjtë tanë vendosin të largohen për të pasur një të ardhme më të mirë", tha Zanetti.

Mbi të gjitha, Arabia Saudite është në plan të parë në tregun e transferimeve dhe Zanetti flet për këtë çështje.

 “Me kalimin e Ronaldos ka pasur një efekt domino. Ata kanë filluar të investojnë shumë duke shkuar për negociate jo vetëm në Itali, por edhe në Premier League dhe në futbollin spanjoll. Ata duan lojtarë që janë të gatshëm të rrisin futbollin e tyre; nuk e di nëse ata do të jenë antagonistët e ardhshëm në futbollin evropian, tha Javier Zanetti.

S.DH/Shqiptarja.com

TAG:
• Inter
• serie a
• javier zanetti