Erdhi dita, që Saliu dhe Monika të kërkojnë hetimin e Amerikës

Erdhi dita, që Saliu dhe Monika të kërkojnë hetimin e Amerikës

Sali Berisha dhe Monika Kryemadhi

Sa e korruptuar është Amerika?

Erdhi dita që Saliu dhe Monika, kërkojnë komision që të hetohet Amerika.

Dje në të njëjtën orë kur opozita serbe në Beograd pushtoi sallën e parlamentin, në mënyrë të sinkronizuar opozita shqiptare bllokoi Kuvendin në Tiranë.

Ndryshe nga Beogradi që në anxhendë kishte Kosovën, Tirana ashtu siç ka ndodhur 30 vjet kishte një axhendë për ta shkëputur vëmëndjen nga Kosova e cila sot ka në pikpytje dhe udhëkryq sovranitetin e saj, nëpërmjet një autonomie të 10 komunave asociuara serbe.

Opozita në Tiranë kërkon Komision herimor për çështjen e ish-shefit FBI McGonigal dhe mardhënieve tij me Edi Ramën.

Ishte dje e njëjta opozitë e cila ka 2 vjet që akuzon Amerikën të korruptuar nga SOROS për çështjen e shpalljes Non-Grata të Sali Berishës.

Prej kohësh rrjetet sociale janë pushtuar nga komentet dhe blogjet e demokratve se Amerika është e korruptuar, se ambasadorët e saj janë të krimbur me rryshfete.

Papritur një dosje penale për ish-shefin e FBI e pranuar nga Gjykata e rrethit të Ëashingtonit do përdorej hapur dhe dukshëm si kauzë e opozitës se Edi Rama ka blerë Amerikën.

Pyetja shtrohet: Arrestimi i shefit FBI si i korruptuar, është tregues që Amerika është e korruptuar apo e lufton fort korrupsionin?

Pa dyshim që është e dyta.

Arrestimet tregojnë që Amerika është simbol i luftës kundër korrupsionit.

- Dje FBI kontrrolloi shtëpinë e presidentit Amerikan Joe Biden

- Nesër FBI ka në proçedurë kontrrollin e banesës së ish-zv/presidentit Michael Pence.

- Nje javë më parë hetuan ish presidentin Donald Trump.

Amerika nuk kursen askënd sepse sistemi i drejtësisë funksionon me një standart: “Të gjithë të barabartë përpara ligjit”, ndryshe nga Shqipëria ku Sali Berisha ka 10 dosje penale si i dyshuar dhe prokuroria nuk ka guxuar asnjë herë që ta tharrasë si dëshmitarë dhe jo më ta arrestoj apo kontrrolloj banesën.

Amerika është një dhe ska dy Amerika sipas optikës së Partisë Demokratike.

Kur akuzohet Berisha, atëhere ajo qenka e korruptuar.

Kur akuzohet Rama, atëhere ajo qenka e ndershme.

Komisionet qesharake shqiptare nuk mund të ngrihen mbi drejtësinë Amerikane.

Çdo kërkesë që parlamenti shqiptar të ngrej një Komision hetimor për të hetuar për shefin e FBI është qëndrim se ka dy Amerika.

Jo nëse besoni tek Amerika, atëhere mos mbani dy standarde. Largoni nga politika çdo person të akuzuar nga Amerika.

Hapni Komision për Ramën, Metën, Berishën dhe Bashën por jo Komision mbi Amerikën.

Kini durim dhe besoni që Gjykata amerikane do përcaktoj fajsinë apo pafajsinë e kryeministrit shqiptar. Gjykata amerikane është më e pavarur, më profesionale dhe më e paanshme se komisionet fshatreske të parlamentit të dështuar shqiptar.

Kauza anti-amerikane se Amerika është e korruptuar nuk e pastrojnë dot llumin ku janë zhytur udhëheqësit shqiptar.

Saliu dhe Monika s’mund të gjykojnë sa e korruptuar është Amerika.

Kjo nuk s’mund të jetë kauza e të djathtës shqiptare.

Lufta me Amerikën, është mision i pamundur.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

G7, mbyllet takimi i nivelit të lartë me një paralajmërim të fortë për Kinën! Paraqet rrezik për sigurinë e ekonomisë globale

G7, mbyllet takimi i nivelit të lartë me një paralajmërim të fortë për Kinën! Paraqet rrezik për sigurinë e ekonomisë globale