POP 5

Lajmet më të lexuara të 5 minutave të fundit

Bota

Erdogan ‘ndez’ zjarr me Izraelin, Netanyahu si Hitleri, vrau 20 mijë njerëz! I përgjigjet kryeministri izraelit: Hesht! Ke kryer gjenocid ndaj kurdëve

Turqia akuzon Izraelin për krime lufte, duke e krahasuar kryeministrin Netanjahu me Hitlerin dhe sulmet e tij në Gaza, me trajtimin e nazistëve ndaj popullit hebre. Por, Netanjahu iu përgjigj se ai nuk është njeriu i duhur për të folur pasi po kryen gjenocid ndaj kurdëve.

Presidenti turk Rexhep Taip Erdogan ndezi një zjarr të ri në marrëdhëniet me Izraelin, duke e krahasuar kryeministrin Benjamin Netanjahu me Hitlerin.

Mes retorikës nxitëse, Erdogan theksoi se Turqia do të mirëpresë akademikët dhe shkencëtarët që përballen me persekutim për pikëpamjet e tyre mbi luftën në Gaza, duke shtuar se vendet perëndimore që mbështesin Izraelin janë bashkëfajtorë në  krimet e luftës.

“Ata flasin keq për Hitlerin, por sa ndryshojnë nga Hitleri? A është ajo që po bën Netanyahu më pak se ajo që bëri Hitleri? Jo, nuk është kështu. Ai është më i pasur se Hitleri, merr mbështetje nga Perëndimi. Dhe çfarë bënë ata me gjithë atë mbështetje? Vranë më shumë se 20,000 njerëz”- tha Erdogan.

Nga ana e tij, kryeministri izraelit Benjamin Netanyahu u kundërpërgjigj se Erdoğan po kryen gjenocid ndaj kurdëve dhe po burgos gazetarët, ndaj ai është personi i fundit që mund të bëjë një predikim moral për të tjerët.

Turqia që mbështet një zgjidhje me 2 shtete për konfliktin izraelito-palestinez, kritikon ofensivën ajrore dhe tokësore të Izraelit në Gaza, e quan Izraelin një "shtet terrorist" dhe thotë se liderët e tij duhet të gjykohen në gjykatat ndërkombëtare.

Ankaraja pohon se tregtia me Izraelin ka rënë ndjeshëm që nga 7 tetori, kur grupi palestinez Hamas nisi një bastisje ndërkufitare që vrau 1200 njerëz, duke e shtyrë Izraelin të nisë një luftë kundër tij. Ndryshe nga aleatët e saj perëndimorë dhe disa vende arabe, Turqia nuk e konsideron Hamasin një organizatë terroriste.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tahipi: 28/12/2023 17:30

    Izraeli me zi se hitleri fiks fare

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Durrës/ Qëlloi me armë zjarri në ajër, gjatë një konfliktit me një bashkëmoshatar të tij, vihet në pranga 17-vjeçari

Durrës/ Qëlloi me armë zjarri në ajër, gjatë një konfliktit me një bashkëmoshatar të tij, vihet në pranga 17-vjeçari

10 Janar, 10:50