/ATSH-AFP/ - Fushata aktuale e sulmeve ajrore ruse në Siri është "e papranueshme", deklaroi sot presidenti turk, Recep Tayyip Erdogan, duke vlerësuar se Moska po kryente "një gabim të rëndë".
"Veprimet e Rusisë dhe fushata e saj e bombardimeve në Siri janë krejtësisht të papranueshme dhe Rusia po ndërmerr një gabim të rëndë", u shpreh Erdogan për median para nisjes së tij në Francë në një kohë kur Moska njoftoi për sulme të reja mbi 10 objektiva të organizatës së Shtetit Islamik gjatë 24 orëve të fundit dhe zgjerimit të fushatës së saj ajrore.