Erdogan sfidon Trump, Turqia kreu sot testimet e para mbi sistemin rus S-400

Guvernatori i kryeqytetit Ankara paralajmëroi popullatën se avionët luftëtarët F-16 do të kalonin në periferi të qytetit, në lartësi të ulët, për të provuar radarët e fuqishëm të sistemit të blerë këtë vit, megjithë kërcënimin e sanksioneve nga Shtetet e Bashkuara.

Një ligj amerikan parashikon kundërmasa ndaj vendeve që marrin pajisje të teknologjisë së lartë ushtarake ruse.

Turqia është gjithashtu pjesë e Aleancës Atlantike. Pentagoni ditët e fundit është rikthyer të kërkojë nga autoritetet turke që të "mos aktivizojnë" sistemin dhe në të vërtetë ta "shkatërrojnë" atë për të shmangur masat. Në diskutim është pjesëmarrja e Ankarasë në programin e avionëve të padukshëm bombardues të F-35. 

Turqia i është afruar Rusisë pas grushtit të shtetit të dështuar më 15 korrik 2016, që i atribuohet rrjetit të imamit Fetullah Gulen, një refugjat në Shtetet e Bashkuara.

'Ambienti' i Presidentit Rexhep Tajip Erdogan dyshon se shërbimet amerikane nuk donin të kundërshtonin komplotin ndërsa ato ruse siguruan një informacion vendimtar.

Erdogan ka vendosur të miratojë blerjen e rusëve S400 në vend të 'Patriot' amerikan.

Një bateri e parë tashmë është dorëzuar dhe një e dytë do të arrijë në muajt e ardhshëm për një kontratë me një vlerë totale prej 2.5 miliardë dollarësh.

Tani testet e kryera rrezikojnë të ndezin përplasjen me Uashingtonin, veçanërisht pasi rusët mund të mbledhin informacion konfidencial për 'F-16' dhe t'i përdorin ato për të përmirësuar armën e tyre. Kjo është edhe arsyeja pse Pentagoni nuk dëshiron të shesë F-35 në Turqi, pasi ato mund të "testohen" në të njëjtën mënyrë.

Në mediat sociale këtë pasdite u shfaqën imazhe të F-16s që fluturonin ulët në bazën ushtarake që strehonte baterinë e parë të raketave ruse.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Erë e fortë dhe det i trazuar në Radhimë, varkat e vogla dhe skafet turistike mbushen me ujë, rrezikojnë të mbyten