Erdogan: Turqia me një shifër rekord këtë vit, do të presë 40 milionë turistë

Presidenti i Turqisë, Recep Tayyip Erdoğan, tha se turizmi turk kishte humbur nivelin e tij nga sulmet intensive të brendshme dhe të jashtme, raporton Anadolu Agency (AA).

"Nga viti i kaluar nisi rimëkëmbja dhe këtë vit shpresojmë që të hyjmë në periudhën e ngritjes me një shifër rekord 40 milionë në numrin e turistëve. Ky përparim i madh që kemi bërë në eksportet dhe turizmin, do të na afrojë me objektivat tona në fusha të tjera, duke kryer një mision lokomotivë", theksoi presidenti i Turqisë.

Erdoğan, ka mbajtur një fjalim në ceremoninë e restaurimit të "tregut egjiptian" në Stamboll, ku ai ka rikujtuar se dikur ka qenë një prej tregtarëve të këtij tregu ku ka tregtuar produkte ushqimore.

LEXO EDHE:
VIDEO, Euro 2024/ Kalimi në çerekfinale, Erdogan telefonon kombëtaren turke! Mesazhi për Arda Guler: T'i puth sytë

"Turqia do të ishte një nga 10 ekonomitë më të mëdha botërore, nëse do t'i kishte realizuar pas Luftës së Dytë Botërore përparimin, stabilitetin dhe sigurinë e arritur në 16 vitet e fundit", ka shtuar Erdoğan, duke theksuar se nga vendi i 24 tashmë ndodhen në vendin e 17-të, gjë e cila sipas tij nuk mjafton, dhe se do të hyjnë në 10 vendet e para.

Në lidhje me zgjedhjet e parakohshme që do të zhvillohen më 24 qershor Erdoğan ka theksuar se "Gjithmonë, gjërat që ndodhin për herë të parë janë me probleme dhe janë të vështira, por janë të frytshme.

Unë shpresoj se Turqia do ta realizojë në mënyrë të lehtë zgjedhjen e parë të sistemit të ri qeverisës. Ne këtë ndryshim nuk e kemi bërë për veten tonë, por për të ardhmen e vendit dhe të popullit tonë dhe më shumë për të rinjtë tanë".

TAG:
• erdogan
• turizmi i turqise

Sondazhi i ditës:

Arrestohet Beqaj, po i përmbush SPAK pritshmëritë në luftën e korrupsionit?

• Po

  46.2%

• Jo

  47%

• Nuk e di

  6.7%

Vota total: 2268

Votat totale janë unike

• Sondazhi i ditës:

  Arrestohet Beqaj, po i përmbush SPAK pritshmëritë në luftën e korrupsionit?

  Po Jo Nuk e di