Erdogan: Turqia nuk tërhiqet nga marrëveshja raketore S-400

Presidenti i Turqisë, Recep Tayyip Erdogan ka thënë se vendi i tij nuk do të marrë asnjë hap prapa nga marrëveshja raketore S-400 me Rusinë

“Ka një marrëveshje. Ne jemi të vendosur. Nuk është në konsideratë për të marrë hap prapa prej marrëveshjes S-400”, u tha ai gazetarëve në Stamboll.

Pas përpjekjeve të zgjatura dhe pa sukses për të blerë sistemet  e mbrojtjes ajrore nga SHBA, Turqia vendosi të blejë sistemin S-400 në vitin 2017.

Zyrtarët e Shteteve të Bashkuara të Amerikës e këshilluan Turqinë që të blinte sistemin e raketave “Patriot” në vend të atij S-400 nga Rusia.

“Ne mund të marrin hap për raketat Patriot, nëse ka një ofertë pozitive siç bëri Rusia”, u shpreh Erdogan, duke shtuar se deri më tani nuk ka pasur asnjë ofertë pozitive nga ana e SHBA-ve.

Erdogan bëri me dije se qasja e favorshme është në interesin e çdo vendi duke deklaruar se. “Nëse nuk është kështu, ne nuk jemi të detyruar të blejmë asgjë”.

S-400 është sistemi më i avancuar raketor anti-avionësh me rreze të gjata dhe mund të mbajë deri në 3 lloje raketash, të afta për të shkatërruar objektivat, si ato balistike ashtu dhe ato të lundrimit.

 

TAG:
• erdogan
• turqia
• sistemi s-400